إيه الفرق بين الوديعة وشهادة الاستثمار؟

شهادات الإستثمار و الودايع هي منتجات بنكية لحفظ للفلوس بتقدمها معظم البنوك، وهي عبارة عن انك بتعمل إيداع لمبلغ معين في البنك لفترة محددة والبنك بيدفع لك فايدة بسعر متفق عليه. ممكن يبان أنهم أدوات مختلفة، لكن في الحقيقة هما نفس الشيء، وما بينهم اختلافات بسيطة.

الاختلافات ما بين الوديعة وشهادات الاستثمار: 

1-شهادات الاستثمار مدتها بتزيد عن سنة وبتوصل لغاية 10 سنين، وده بعكس الودايع اللي بتبدأ من شهر كحد أدني وبتوصل لسنة حد أقصي.

2- تقدر تستخدم مع الوديعتين عملات مختلفة زي الجنيه المصري ،والدولار الأمريكي ،واليورو الأوروبي ، والجنيه الإسترليني.

3-الاتنين بتقدر تختار نسبة الفايدة بتاعتك عليهم مابين فايدة شهرية وربع سنوية ونص سنوية وسنوية.

بالنسبة لسعر الفايدة على شهادة الاستثمار فبيكون قدامك 3 اختيارات

4-سعر الفايدة على الوديعة دايما ثابت مابيتغيرش.

5-لكن بالنسبة لسعر الفايدة على شهادة الاستثمار فبيكون قدامك 3 اختيارات، ما بين:

     -سعر الفايدة الثابت زي اللي فى الوديعة، وده أمن جدا لأنه مبيتأثرش بأي تغيير ممكن تعمله قرارات البنك المركزي

     -وفي عكسه سعر الفايدة المتغير اللي بيقل ويزيد على حسب  السعر اللي بيحدده البنك المركزي.

     -وفى نوع تالت مختلف شوية اسمه سعر الفايدة المتراكم، وهو النوع اللي بتتراكم معاه الفايدة فى حسابك ومبتقدرش تستفيد منها غير  لما مدة الشهادة تخلص.
 

ازاي اقدم على واحد من الوديعتين؟

فى طريقتين للتقديم على أي واحدة من الوديعتين، يا إما عن طريق الاتصال بمركز خدمة العملاء في البنك اللي بتتعامل معاه أو أنك تزور واحد من فروعه، وبتحتاج هناك تملي نموذجين، واحد اسمه " KYC "  أو "نموذج اعرف عميلك" والتاني النموذج العادي لفتح الحساب البنكي. أهم حاجة قبل ماتقدم تدخل على فايدتي عشان تقارن بين شهادات الاستثمار المختلفة وتختار أنسبها ليك.