أمن عربيتك!
أمن عربيتك!
أمن عربيتك!

عارف أنك تقدر تأمن عربيتك بأقل من 2% من قيمة السيارة؟

faydety-logo-text

تختار مين يكون الأوفر؟ اوبر ولا كريم ولا InDriver؟

تاريخ النشر: 13 يناير 2022

قارن و قرر

تختار مين يكون الأوفر؟ اوبر ولا كريم ولا InDriver؟

وفر في وقتك وفلوسك!

مع تطور وسائل المواصلات في الوقت الحالي ووجود بدائل كتير لكل وسيلة، بقينا بنحتار مين الأوفر أو الأسرع أو حتى الأريح، ولكل حد فينا متطلباته الخاصة اللي على أساسها بيحدد هيختار أنهي وسيلة.

ومن أول وسائل المواصلات اللي اتطورت في مصر هي خدمة التاكسي اللي بقت دلوقتي أونلاين زي أوبر وكريم، وبرغم المنافسة اللي كانت بينهم في وقت من الأوقات إلا أن تم الاستحواذ على شركة كريم وبقت تابعة لأوبر بس هتفضل بنفس الاسم، وده خفف المنافسة بينهم شوية، لغاية ما وصل للسوق منافس جديد وهو InDriver اللي فاتحلك اوبشن جديد وهو انك تقدر تفاصل في الاجرة، وده اللي خلى ناس كتير من مستخدمين اوبر وكريم ينقلوا لـ InDriver بس ياترى فعلا فيه فرق؟

 

وعشان كده قررنا نقارن بين الـ 3 أبلكيشن ونشوف انهي الأنسب بالنسبة لكل واحد فينا، وبما أن دلوقتي لقاح الكورونا (الڤاكسين) هو أكتر حاجة مهمة عشان تقدر تخلص مصالحك الحكومية أو تسافر أو حتى تدخل الجامعة، فقررنا نقارن أسعار الرحلة لأشهر وجهة للقاح الكورونا وهو "ارض المعارض" وهنتحرك من رمسيس.

 

شوف مين اللي كسب في مقارنة مين يكسب؟ أوبر ولا كريم؟

 

مين أوفر؟

 

اوبر: 

متاح فيه نوع واحد بس من العربيات هو اللي فيه توفير وهو UberX وده كان سعر التوصيلة الساعة 2 الضهر: 54 جنيه.
 

كريم: 

متاح فيه نوعين تقدر تختار بينهم وهما Go و Go Awfar اللي ارخص 10% من الرحلة العادية في مقابل ان العربيات موديلها أقدم شوية.

وسعر التوصيلة كان: 

Go: 48 جنيه

Go Awfar: 40 جنيه

 

:InDriver

 بدأ بسعر 38 جنيه للرحلة وبعد ما بتدوس موافق بيظهرلك عروض من السواقين اللي حواليك وانت تختار الأنسب ليك، وكمان بيظهرلك نوع العربية واسم الكابتن وكان أقل سعر اتعرض من غير فصال هو 42 جنيه وأعلى سعر هو 50 جنيه.

 

تم الاستحواذ على شركة كريم وبقت تابعة لأوبر بس هتفضل بنفس الاسم

 

مين اسرع؟

 

سرعة وصول العربية ليك بتختلف من مكان للتاني حسب عدد العربيات المتوفرة دلوقتي في المكان ده، عشان كده اخترنا ميدان رمسيس باعتباره مركز القاهرة والمفروض عدد كبير من العربيات تكون متوفرة فيه.

 

اوبر:

 الابلكيشن قال ان الكابتن هيوصل خلال 5 دقايق.


 

كريم:

 بالنسبة لـ Go فـ وصل خلال 4 دقايق، أما Go Awfar فـ وصل خلال دقيقتين بس.

 

InDriver:

على الرغم من أنه الأبلكيشن الأقل في السعر بس كان الأبعد، فـ أقرب واحد كان على بعد 12 دقيقة وأبعد واحد على بعد 22 دقيقة.

 

طريقة التواصل:

 

اوبر: 

 بيستخدم طريقة بتحافظ على خصوصية الكابتن والعميل عن طريق انك لو جربت تتصل بالكابتن رقمه مش هيظهر عندك والعكس صحيح.

 

كريم:

العميل والكابتن يقدروا يتواصلوا مع بعض بشكل مباشر من غير أي حاجة ودي أوقات بتكون أسرع في التواصل.

 

InDriver:

العميل والكابتن يقدروا يتواصلوا مع بعض بطريقتين وهما، المكالمات أو الواتساب/ WhatsApp وده أسهل عشان لو عايز توصف مكانك بشكل أوضح أو لو مش معاك رصيد بس معاك نت. 


 

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين