قارن وقرر مين يكسب كارفور وهايبروان في الشوبينج الشهري؟ | فايدتي

قارن وقرر مين يكسب كارفور وهايبروان في الشوبينج الشهري؟

تاريخ النشر: في قارن و قرر

قارن وقرر مين يكسب كارفور وهايبروان في الشوبينج الشهري؟

ياترى مين هيوفرلك أكتر؟

قاعدين مريحين أول رمضان، وكل واحدة بتحكي اشتريت إيه عشان ما تحتاجش تنزل تشتري أي حاجة للبيت على الأقل لغاية نص رمضان، فـ واحدة قالت مفيش زي أسعار كارفور، والتانية قالتها لأ هايبروان هو الـ Top، المهم في اتنين اتبرعوا  يوقفوا الخناقة دي بأنهم يعملوا مقارنة بما انهم لسه معملوش الشوبينج الشهري، واتفقنا المقارنة تكون ما بين 10 منتجات مختلفة ضرورية للبيت طول السنة، وهـ نقارن: مين أوفر؟ ومين فروعه أكتر؟

                                                                                                                                                                                                    كارفور  VS  هايبر وان    

                                                                                                                                                                                                Carrefour VS HyperOne

 

مين أوفر؟

 

من كارفور

 

الأكل:

 

                     - فرخة كاملة: 63.95 جنيه

                     - كيلو الفراولة: 16.95 جنيه

                     -مكرونة إيطاليانو 400 جرام: 7.50 جنيه

                     - سمنة نيوزلاند حلوب 700 جرام: 49.95 جنيه

                    - زيت ذرة كريستال 2.2 لتر: 85.95 جنيه

                    - زيت ذرة كارفور 900 مل: 27.50 جنيه 

 

أدوات مطبخ:

 

                     - بريل سائل تنظيف الأطباق لتر: 21.75 جنيه

                     -مناديل مطبخ فاين ميجا بكرة واحدة: 41.15 جنيه

 

أدوات العناية الشخصية:

 

                     -شامبو بانتين برو 400 مل: 49.95 جنيه

                     - معجون أسنان كلوس أب 100 مل: 20 جنيه

 

  معظم المشتريات عليها  offers فى الاتنين، فـ لو محتار اشتري من القريب منك

 

من هايبر وان:

 

 الأكل:

 

                     - فرخة كاملة: 45.95 جنيه

                     - كيلو الفراولة: 14.45 جنيه

                     -مكرونة إيطاليانو 400 جرام: 8.25 جنيه

                     - سمنة حلوب روتانا 700 جرام: 99.95 جنيه

                    - زيت ذرة كريستال 2.2 لتر: 84.95 جنيه

                    - زيت ذرة هايبر 900 مل: 26.95 جنيه 

 

أدوات مطبخ:

 

                     - بريل سائل تنظيف الأطباق لتر: 21.75 جنيه

                     -مناديل مطبخ فاين ميجا بكرة واحدة: 42.25 جنيه

 

أدوات العناية الشخصية:

                     -شامبو بانتين برو 400 مل: 41.00 جنيه

                     - معجون أسنان كلوس أب 100 مل: 18.95 جنيه

 

اشتري منين؟

 

الأكل أغلى في كارفور خصوصا بعض المشتريات بفروق كبيرة عن أسعار هايبروان، أما بالنسبة لأدوات المطبخ فـ تقريبا الاسعار موحدة في الاتنين. وأدوات العناية الشخصية أرخص في كارفور، مع العلم أن معظم المشتريات عليها  offers فى الاتنين، فـ لو محتار اشتري من القريب منك عشان فروق الأسعار ما بينهم مش كبيرة لدرجة انك تروح مشوار بعيد، بس حاول تتابع الـ Offers  علي الابلكيشن بتاعتهم وصفحات الفيسبوك.

 

مين منتشر أكتر؟

 

كافور يكسب في عدد الفروع بـ أكتر من 25 فرع في القاهرة والجيزة، لكن هايبروان عنده 3 فروع بس في المدينتين.

 

مين يكسب؟ هي مقالات التحدي بين تيم واحد قاعد بيجرب كل حاجة بنستخدمها فى حياتنا اليومية عشان يوصل لأوفر وأفضل خدمة، وكل التحديات عن تجربة حقيقة بالأسعار الحقيقية، قام بيها تيم فايدتي عشان يفيدكم ويساعدكم توفروا كل يوم.