لو معاك آلة زمن هتسافر للماضي ولا للمستقبل عشان تعمل فلوس؟

كلنا سمعنا قبل كده جملة "الدنيا زمان كان فيها بركة" وده ممكن يخلينا نفسنا نرجع للماضي عشان نعرف هي البركة دي عاملة ازاي يعني؟!

بس لو فكرت شوية هتلاقي نفسك في المستقبل هتقول نفس الكلام للجيل اللي أصغر منك وده بسبب ان كل ما الحياة بتتطور والتكنولوجيا بتوصل لمستويات أعلى كل ما بنحس أكتر بالضغط وده بيخلينا نرجع نقول أيام زمان مكانش فيها كل الهموم دي! 

والحقيقة هي أن كل سن وكل مرحلة في حياتك لازم يكون فيها اختلاف عن باقي المراحل والا مش هتحقق أي تطور ولا هتحس بأي إنجاز.

طيب بمناسبة يوم التظاهر بأنك مسافر عبر الزمن / Pretend to be time traveler لو قلنا انك عندك الفرصة تسافر بآلة الزمن للمستقبل أو الماضي، بس هتفضل بنفس السن والتفكير والمبلغ اللي معاك دلوقتي هتختار تسافر لـ فين؟

السفر للمستقبل

أغلب توقعاتنا للمستقبل معظمها تطور كبير جداً في التكنولوجيا، وده طبعاً هيأثر على الاقتصاد وطريقة التعامل بالفلوس وده هيوصلنا لحاجتين:

1- لو بتحب المغامرة 

انك تتعلم من الاول أساليب استثمار جديدة هيكون ممتع جدا بالنسبة ليك، وكمان ممكن الأساليب الجديدة دي تبقى أسهل بما اننا في المستقبل وكل التكنولوجيا دي أصلاً بتتعمل عشان تسهل علينا حياتنا، وبكده هتلاقي حياتك بقت ممتعة أكتر وكمان أسهل بكتير من زمان.

2- لو انت شخص حريص

ممكن تشوف المستقبل بشكل تاني مختلف خالص، لأنك مش عارف الأساليب الجديدة والتكنولوجيا دي ايه عيوبها و ازاي تتفاداها، ده غير ان الاستثمار الآمن وقتها هيكون بصور مختلفة عن اللي انت كنت عارفها زمان، وده ممكن يسبب لك نوع من القلق أو التوتر على فلوسك و استثماراتك.

عيب المستقبل:

العيب الأساسي أن مع معدل التضخم السنوي، مهما كان معاك فلوس فـ في المستقبل هتبقى قيمتها أقل.

فلوسك فى الماضي قيمتها أكبر من دلوقتي، يعني هتعرف تجيب اللي نفسك فيه وزيادة

الرجوع للماضي

هنا بقى هيكون نفسك تحقق كل اللي فاتك وتستغل كل الفرص اللي انت عارف انها هتفيدك و هتأثر على مستواك المادي بشكل كبير في المستقبل، فـ سواء كنت شخص حريص أو مغامر هتكون ضامن بشكل كبير مستقبل المجال اللي هتستثمر فيه فلوسك، زي مثلاً:

• هتشتري بيت أحلامك في المنطقة اللي نفسك فيها بأقل سعر ممكن
• هتستثمر فلوسك في المجال اللي عارف انه هيكسبك فلوس كتير

ميزة الماضي:

فلوسك قيمتها أكبر من دلوقتي، يعني هتعرف تجيب اللي نفسك فيه وزيادة.

عارف ايه اللي هيحصل كويس ف هتعرف تستغل كل الفرص اللي فاتتك زمان.

عيب الماضي:

كلنا عارفين ان كل حاجة صغيرة بتحصل دلوقتي بتأثر على المستقبل، فـ محدش عارف التغييرات اللي هتعملها لنفسك في الماضي عشان تحسن من وضعك المادي في الحاضر هيكون تأثيرها عامل ازاي على باقي الناس، وده ممكن يشقلب حاجات كتير في الحاضر، فـ خلي بالك!

في الاخر، النهاردة هو مستقبل امبارح وماضي بكرة، خد الخطوة دلوقتي أحسن من التأجيل وأمن على اللي خايف عليه من المستقبل.

احصل على منتجات التأمين دلوقتي من على فايدتي للوساطة في التأمين من مكانك!