أمن عربيتك!
أمن عربيتك!
أمن عربيتك!

عارف ان اجراءات الحصول على تأمين عربيتك من هيأخد أكتر من دقايق!


 

faydety-logo-text

مين يكسب فى التوفير العطارة أبو عوف ولا حاج عرفة!

تاريخ النشر: 16 ديسمبر 2021

قارن و قرر

مين يكسب فى التوفير العطارة أبو عوف ولا حاج عرفة!

اعرف سعر المكسرات والقهوة والعسل في أبو عوف وحاج عرفة

مفيش طبيخ من غير بهارات، والعلاج من غير دواء من مكونات طبيعية، ولا القهوة بتحلي غير وانت مختار مكوناتها على مزاجك، بس كل العطارة دي هتجيبها منين، الموضوع بدأ بخناقة ما بين اتنين فى المكتب كل واحد فيهم بيحب يظبط القهوة على مزاجه، واحد قالك أبوعوف هو التوب في العطارة والتاني قالك حاج عرفة ما يعلاش عليها، فأحنا سيبنا لهم المزاج وقلنا نقارن الأسعار!
 

بعض منتجات عطارة أبو عوف:

 

1- المكسرات
 

  • كاجو مملح كبير   ( 100 جرام بـ 44 جنيه)
  • فول سوداني بالشوكولاته ( 100 جرام بـ 8.50 جنيه)
  • فسدق أمريكي كبير ( 100 جرام بـ 49 جنيه) 

 

2- القهوة
 

  • بن بالكراميل ( 100 جرام بـ 20 جنيه)
  • بن عربي ( 250 جرام بـ 110 جنيه)
  • قهوة فرنساوي (250 جرام بـ 65 جنيه)
  • بن محوج فاتح ( 100 جرام بـ 22.50 جنيه)

 

3- العسل
 

  • عسل بالمكسرات المشكلة ( 250 جرام بـ 80 جنيه)
  • عسل بردقوش ( 450 جرام بـ 40 جنيه)

 

بعض منتجات عطارة حاج عرفة:

 

1- المكسرات

 

  • كاجو مملح كبير   ( 100 جرام بـ 34 جنيه)
  • فول سوداني بالشوكولاته ( 100 جرام بـ 4.95جنيه)
  • فسدق أمريكي كبير ( 100 جرام بـ 39 جنيه) 

 

بن بالكراميل في عطارة الحاج عرفة العبوة الـ 100 جرام بـ 17 جنيه

 

2- القهوة
 

  • بن بالكراميل ( 100 جرام بـ 17 جنيه)
  • بن عربي ( 200 جرام بـ 40 جنيه)
  • قهوة فرنساوي (100 جرام بـ 18 جنيه)
  • بن محوج فاتح ( 100 جرام بـ 20.50 جنيه)

 

3- العسل
 

  • عسل بالمكسرات المشكلة ( 500 جرام بـ 85  جنيه)
  • عسل بردقوش ( 500  جرام بـ 35 جنيه)

 

مين الأوفر؟

 

سعر المنتج مش الأساسي عشان تعرف مناسب ليك ولا لأ!  بس كمان الجودة عليها عامل كبير عشان تقدر تعمل الخلطة اللى تناسبك في الآخر، ويفضل تجرب من كذا مكان عشان تختار في الأخر العطار اللى تكمل معاه، بس واضح ان فى فرق كبير فى الاسعار وحاج عرفة يكسب فيها، فننصحكم تجربوه بعض المنتجات من الشركتين قبل ماتقرارو الاستمرار مع واحدة منهم.

 

تاريخ عطارة أبو عوف:

 

بدأت قصة أبو عوف سنة 1950، وشغلهم الأساسي كان في تجارة التمر وجوز الهند، وكانوا بيعتمدوا على الناس اللى بتسافر العراق كل فترة عشان يشتروا المنتجات اللى محتاجنها. و سنة 2010 قرر الجيل الجديد من العيلة يرجع وقدموا منتجات كتير منها المكسرات، والقهوة، والعسل. وقدروا في وقت قصير يكسبوا ثقة العملاء، وده طبعا بيرجع لتنوع المنتجات مع الحفاظ على جودتها، وفي نفس الوقت قريب من كل الناس لإن عنده حوالي 30 فرع، وموجود في 90 سوبر ماركت.

 

تاريخ عطارة حاج عرفة:
 

بتعتبر من أشهر محلات العطارة الموجودة فى الفترة الأخيرة، عندهم أكتر من 10 فروع في مصر، وكانت خطتهم في بداية 2020 التوسع ويفتحوا 20 فرع في كل المحافظات، وفي خلال 5 سنين يوصلوا لـ 100 فرع في مصر كلها. من ضمن مميزاته ان منتجاتهم طبيعية 100%، لأن الأولوية عندهم صحة العميل، وبيستوردوا المواد الخام من أصولها من دول كتير في العالم زي الهند. حاج عرفه عنده ميزة تنافسية كبيرة عن باقي العطارين المشهورين، وان عنده جزء خاص بمنتجات العناية بالبشرة واللي بقت احتياج أساسي بالنسبة لناس كتير دلوقتي.

 

مين يكسب؟

 

هي مقالات التحدي بين تيم واحد قاعد بيجرب الابلكيشن/المنتجات اللي بنستخدمها فى حياتنا اليومية عشان يوصل أوفر وأفضل خدمة، وكل التحديات عن تجربة حقيقة والاسعار الحقيقية، قام بيها تيم فايدتي عشان يفيدكم و يساعدكم توفروا كل يوم.

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين