أمن عربيتك!
أمن عربيتك!
أمن عربيتك!

عايز وسيط تأمين ببلاش؟ ادخل هنا واختار التأمين المناسب ليك بأكتر من طريقة تقسيط وسيب الباقي علينا.

faydety-logo-text

أشهر 6 انواع من الكروت البنكية فى مصر

تاريخ النشر: 15 أكتوبر 2020

قاموس الفلوس

أشهر 6 انواع من الكروت البنكية فى مصر

قارن واعرف افضل كارت بنكى ليك

فى أنواع كتير من الكروت البنكية، اللي مرتبطة بحساب بنكي، والمدفوعة مقدما، غير كروت المعاشات والمرتبات، ومع الوقت بقي ليها أهمية كبيرة فى حياتنا اليومية وناس كتير بقت بتستغني بيها عن وجود الكاش.

 

وأشهر 6 أنواع بتستخدم من الكروت هي:

 

كروت الخصم الفوري Debit card

 

هى الكروت المرتبطة بحسابك البنكي، ممكن يبقي حساب جاري أو حساب توفير، والسحب منها بيسحب على طول من رصيدك فى البنك من غير ماتداين، وبتقدر تستخدمها للسحب والإيداع فى ماكينات ال ATM  أو لدفع فاتورتك فى أي مكان عنده خدمة الدفع بالكارت.

فى حالة أن رصيدك فى البنك ميكفيش المبلغ المطلوب زائد مبلغ عمولة البنك، طلبك هيترفض ومش هتقدر تستخدم الكارت فى الحساب.

 

كروت الائتمان Credit card

 

هى كروت مش مرتبطة بحساب بنكي معين، بتقدر تسحب منها أي مبلغ لدفع حسابك وبيتحول لدين عليك مع فوايد على المبلغ اللي استلفته، واللي بتسدده خلال فترة معينة بتختلف من بنك للتاني، ما بين 45 يوم ل 58 يوم.

مميزاتها أنك ممكن تستخدمها فى تعاملاتك على الإنترنت، وفى بنوك بتدي عليها خصومات فى حالة انك اشتريت من محلات معينة بيكونوا متعاقدين معاهم.

تقدر تقدم على الكريدت كارد من فايدتي بعد ماتعرف انسب اختيار ليك.

 

كروت الانترنت الائتمانية Internet credit card

 

هي نوع من ال credit card  بس بتستخدم فى تعاملات البيع والشرا ودفع الفواتير على الإنترنت بس، وبرضه بتسدد المبلغ اللي سحبته مع فوايد عليه في فترة معينة، لأنها مش مرتبطة بحساب بنكي.

 

ميزة هو أول كارت مدفوع مقدما ذكي محلي، بمعني تاني هي أول شبكة دفع إلكترونية مصرية ١٠٠٪

 

 كروت الدفع المقدم Prepaid card

 

دي كروت مش مرتبطة بأي حساب بنكي، بتشتريها فاضية و بتشحنها بالمبلغ اللي محتاجه، وبتقدر تستخدمها فى معاملاتك على الإنترنت أو فى الشوبينج من غير ماتداين لأن استخدامها بيتوقف مع فرغها من الفلوس.

 

 كروت المرتبات Payroll card

 

هي كروت اللي بتاخدها من شركتك أو المؤسسة اللي بتشتغل فيها وبينزلك عليها مرتبك كل شهر فى البنك، وبتقدر تستخدمها في دفع فواتيرك في حالة أن فيها رصيد عادي زي الـ Debit card، لكن مبتقدرش تغير رقم الحساب أو تطلع بدل فاقد فى حالة ضيعها، وكل معاملاتك معاها بتتم من خلال مفوض من شركتك أو مؤسستك مع البنك لأنها رسمية مش ملكك.

 

كارت ميزة Meeza card 

 

ميزة هو أول كارت مدفوع مقدما ذكي محلي، بمعني تاني هي أول شبكة دفع إلكترونية مصرية ١٠٠٪، تم اصداره فى مايو 2019، واي حد فوق ال16 سنة بيقدر يطلعه بسهولة، لأنه مش مربوط بأي حساب بنكي وهتلاقيه فى أكتر من 6 بنوك مصرية بسعر رمزي،بتاريخ صلاحية سنتين، وبيتشحن عن طريق البنك اللي طلعته منه أو ماكينة ATM  بتاعة البنك. 

 

والفايدة الأساسية منه هي تقليل التعامل بالكاش، عن طريق استخدامه لتسديد المعاملات المالية الحكومية اللي بتزيد عن 500 جنيه، وكمان تقدر تشتري وتحاسب بيه فى اى ماكينة POS، ده غير انه بيقدم نفس خدمات كروت فيزا وماستر كارد لكن جوا مصر بس،  لكن متقدرش تستخدمه فى المعاملات على الانترنت.

 

ميزة ليه نوعين من الكروت:

 

1. بطاقة ميزة المدفوعة مقدما "كارتي": ودي اللي بتقدر تطلعها ببطاقة الرقم القومي في نفس اليوم  من أي بنك من البنوك المشاركة 

 

2. بطاقة ميزة المدفوعة مقدما للمرتبات الحكومية: ودي واحدة من خطوات الحكومة للتخلي عن استخدام الكاش، وبيتم إصدار نفس الكارت للمعاشات الحكومية كمان.

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع