إزاي تبتدي مشروع | فايدتي

إزاي تبتدي مشروع

تاريخ النشر: في قاموس الفلوس

إزاي تبتدي مشروع

عندك فكرة حلوة ومش عارف تبتدي منين؟

عشان تبتدي أي مشروع، لازم يبقى عندك فكرة أنت مقتنع بيها وشايف إنها هتفرق في السوق عشان هي بتقدم خدمة أو منتج الناس محتاجاه. لو ما عندكش فكرة، بس عايز برضو تفتح مشروع، يبقى اتبع الخطوات دي الأول:

 

1. مرحلة البحث

 

لازم تعرف أنت عايز تشتغل في إيه، أنهي مجال أنت مهتم بيه وممكن مشروعك يعمل فيه فرق، لو عندك خبرة في مجال معين، ممكن ده يساعدك تستبعد أفكار معينة أو يساعدك في إضافة حاجة معينة للمجال. كلم ناس كتير وشوف هم بيدوروا على إيه أو إيه اللي ناقصهم، وممكن تستخدم أدوات أونلاين زي surveymonkey.com عشان تعمل أبحاث عن اللي الناس عايزينه وتحطه على جروبس فايسبوك.

 

2. تحديد زبونك

 

لازم تعرف التركيبة السكانية لزيونك عشان تعرف أنت هتوصله إزاي، والتركيبة السكانية معناها الحالة الاقتصادية والاجتماعية وأماكن تواجده، وسنه ونوعه، وهكذا. لما تحدد زبونك، هتعرف أنت عايز مشروعك يبقى موجود فين، هل هيبقى محل فعلي ولا أونلاين بس.

 

3. تحديد نوع الشركة ورأس المال وفريق العمل

 

لازم تعرف أنت محتاج أنهي نوع شركة، ولو مش عارف أنواع الشركات، شوف المقالة دي. وبعد كدة حدد أنواع الشركاء وحجم رأس المال، ولو مش محتاج شركاء، حدد فريق العمل معاك هيبقى متكون من كام شخص، ومين الأفراد الأساسين للشركة.

 

لازم شكل المشروع يبقى متوافق مع نوع الزبون اللي أنت حددته.

 

4. تحديد شكل البراند

 

دلوقتي موضوع البراند ده بقى يفرق كتير مع الناس، خصوصاً إن شكل البراند بيفرق في نوع الزبون اللي هتشده، فلازم شكل المشروع يبقى متوافق مع نوع الزبون اللي أنت حددته.

 

5. التفيذ

 

دي ممكن تكون أكتر خطوة مخيفة، ولكن من غيرها عمرك ما هتعمل حاجة، وطبعاً مهما كانت الأبحاث اللي عملتها دقيقة، دايماً التنفيذ هيختلف، وهتلاقي إنك هتحتاج تضبط توقعاتك أو المشروع، وطبعاً أول سنة بتبقى زي سنة تجريبية للمشروع، وأغلب المشاريع ما بتعملش أي ربح في السنة دي، وعشان كدة لازم تعمل حسابك إن رأس المال غالباً هيروح في التنفيذ.