أمن عربيتك!
أمن عربيتك!
أمن عربيتك!

أمن على عربيتك في دقايق واحصل على ارخص تأمين في مصر بالقسط اللي يريحك من هنا!

faydety-logo-text

إزاي قيمة الدولار بتتحدد؟

تاريخ النشر: 07 سبتمبر 2020

قاموس الفلوس

إزاي قيمة الدولار بتتحدد؟

هو الدولار بيزيد ويقل ليه؟

قيمة الدولار بقى عامل أساسي في السوق المصري، خصوصاً إن الاقتصاد المصري في آخر 60 سنة تحول من اقتصاد مُصنع لاقتصاد مستهلك، بيعتمد أساساً على الاستيراد في أغلب عمليات التصنيع، وعشان كدة الدولار بقى متحكم أساسي في معاملات السوق، ولكن هي قيمة الدولار بتتحدد إزاي عالمياً؟

 

العوامل الأساسية اللي بتحدد سعر الدولار:

 

1. العرض والطلب

 

بعد الحرب العالمية التانية، وبسبب سقوط السوق الأوروبي بعد الحرب، أمريكا بقت صاحبة الاقتصاد الأقوى في العالم، وده بسبب إنها كانت الممول الأساسي للدول الأوروبية، وعشان يقدروا يسددوا مديونياتهم، بقوا يحولوا الاحتياطي بتاعهم من الذهب لدولار أمريكي وعشان كدة قدرت أمريكا تسيطر على السوق وتحول الاحتياطي النقدي لكتير من الدول من اعتماده على الذهب للدولار الأمريكي، وبقت أمريكا هي الدولة اللي عندها أكبر احتياطي من الذهب، والدول التانية بقت لازم يبقى عندها دولار أمريكي لو حابة تشتري ذهب. وفي 1944، تم توقيع إتفاقية بريتون وودز اللي ثبتت قيمة العملات التانية مقابل الدولار الأمريكي، وحددت سعر أونصة الذهب بـ35 دولار أمريكي.

ومن هنا بقت المعاملات العالمية معتمدة على الدولار الأمريكي، وبقى في سوق كبيرة للدولار الأمريكي بسبب المعاملات التجارية، وفي الفترة الأخيرة، في بعض الدول ابتدت تحوش احتياطي نقدي من عملات تانية زي اليورو واليوان الصيني عشان تقلل من سيطرة الدولار الأمريكي على السوق. 

 

سعر الدولار بيتأثر بعوامل السوق الأمريكي، فمثلاً حاجة زي البطالة بتأثر بالسلب على الدولار الأمريكي، وكذلك سعر الفايدة، وهكذا..

 

2. سعر النفط

 

الدولار الأمريكي مرتبط بسعر النفط العالمي لإن أمريكا هي أكبر منتج للنفط في العالم، وفي نفس الوقت المعاملات عليه بتم بالدولار الأمريكي وبالتالي أي دولة عايزة تشتري نفط لازم تحول عملتها للدولار أمريكي، وعشان كدة الدولار بيتأثر بأي زيادة أو نقصان في سعر النفط العالمي، وبكمية المعاملات المتعلقة بالنفط.

 

3. عوامل داخلية للسوق الأمريكي

 

سعر الدولار بيتأثر بعوامل السوق الأمريكي، فمثلاً حاجة زي البطالة بتأثر بالسلب على الدولار الأمريكي، وكذلك سعر الفايدة، وهكذا، مدى قوة السوق الأمريكي له تأثير مباشر على قيمة العملة.

 

إزاي ده بيأثر على الجنيه المصري؟

 

المفروض إن بعد تعويم الجنيه المصري، فهو بقى معتمد على أسعار صرف العملات العالمية والسوق العالمي في تحديد قيمة الجنيه قدام العملات التانية، فالمفروض إن لما قيمة الدولار بتقل في السوق العالمية، يبقى كدة مفروض إن قيمة الجنيه بتزيد قدام الدولار، والعكس. ولكن طبعاً الجنيه برضو بيتأثر بالسوق المصري ومدى قوته لتحديد قيمته.

 

وماتنساش انك تقدر تعرف سعر الدولار وكل اسعار العملات الأجنبية عن طريق فايدتي

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع