إيه اللي بيحصل للديون لما الواحد بيموت؟
تاريخ النشر: 17 سبتمبر 2020 قاموس الفلوس
لما الواحد بيموت، أهله بيورثوه، بس لو هو عليه ديون، هل بيوروثوا الديون كمان؟
الإجابة القصيرة هي إن غالباً اللي بيحصل هو إن بيتم الاستحواذ على ممتلكات الشخص اللي مات بهدف تسديد الديون، وباقي الممتلكات بتروح للورثة، وممكن الديون لو كبيرة تاخد الممتلكات كلها ومايبقاش في حاجة باقية للورثة.
مين اللي بيبقى مسئول عن تسديد الديون؟
الشخص المسئول عن ممتلكاتك بعد موتك هو اللي بيبقى مسئول عن تسديد الديون، فلو أنت عامل توكيل لمحامي أو محاسب إنه يدير ممتلكاتك، فهو اللي بيشرف على التسديد، ولكن لو أنت مش عامل توكيل لحد، يبقى غالباً الوريث هو اللي بيشرف على التسديد.
إيه اللي بيحصل لو ممتلكاتك مش مكفية الديون؟
لو ممتلكاتك مش مكفية، يبقى باقي الديون بتموت معاك.
الشخص المسئول عن ممتلكاتك بعد موتك هو اللي بيبقى مسئول عن تسديد الديون
لو عليك قرض وحد ضامنك؟
لو أنت كنت بتسدد قرض ومعاك ضامن، يبقى مسئولية القرض بتروح للضامن.
لو أنت واخد قرض وعليه تأمين؟
أول ما بيتم إثبات الوفاة، وشركة التأمين بتتأكد إنها حالة وفاة طبيعية، بيتم تسديد القرض.
