أمن ضد الحوادث!
أمن ضد الحوادث!
أمن ضد الحوادث!

أمن نفسك ضد الحوادث بأقل من 100 جنيه في السنة!

faydety-logo-text

إيه هي شهادة الاستثمار التراكمية ومميزات التقديم عليها؟

تاريخ النشر: 11 مارس 2021

قاموس الفلوس

إيه هي شهادة الاستثمار التراكمية ومميزات التقديم عليها؟

سعر الفايدة التراكمي علي شهادات الاستثمار واختلافه عن السعر الثابت

شهادات الاستثمار ليها كذا مدة، بداية من سنة لـ 10 سنين، وليها 3 أنواع لسعر الفايدة، الثابت، والمتغير، والمتراكم.

 

شهادة الاستثمار التراكمية:

 

هى شهادات متوسطة وطويلة الأجل بتبدأ من 3 سنين وفيه منها شهادات 5 و10 سنين، و الفرق بينها و بين الشهادات التانية انه بدل ما بتاخد الفوايد اخر كل سنة بتاخدها فى نهاية مدة الشهادة

 

طريقة حساب الفايدة التراكمية:

 

  • الفايدة دي بتتحسب عن طريق ضرب الفايدة الثابتة سنوياً مع مبلغ الفايدة التراكمي، يعني مثلا لو جايب شهادة تراكمية ثلاثية بـ 1000 جنيه والفايدة السنوية الثابتة 10%، فـ هيطلعلك أول سنة 1100 جنيه وتاني سنة 1210 جنيه، وهتاخد الشهادة في آخر سنة 1331 جنيه وهتبقي الفايدة التراكمية هنا هي 33.1%.

 

  • أما لو قارناها بالفايدة الثابتة، فـ هنلاقي أن الشهادة الثابتة عبارة عن ضرب الفايدة الثابتة سنوياً مع مبلغ المودع علي مية، يعني لو جايب شهادة ثابتة ثلاثية بـ 1000 جنيه، والفايدة 10%، فـ هيطلعلك أول سنة 1100 جنيه وتاني سنة هيبقوا 1200 جنيه، وهتخلص الشهادة أخر سنة بـ 1300 جنيه في حالة أنك ما سحبتش الفايدة اللي بتنزل لك شهرياً أو كل 3شهور أو 6 شهور أو ممكن تبقي سنوياً أصلاً وده بيبقي بالاتفاق من الأول، والفايدة هتفضل 10% طول مدة الشهادة.

 

 

تقدر تقدم على كريدت كارد بضمان الشهادة التراكمية

 

 

الحد الأدني والحد الأقصي:

 

زي باقي الشهادات، التراكمية ملهاش حد أقصي. بالنسبة للحد الأدنى، فـ معظم البنوك بتعتمده من 500 لـ 1000 جنيه واحيانا بتوصل لـ 5000 جنيه في بعض البنوك، ما عدا البنك الأهلي اللي بيعتمدها من 100 جنيه.

 

مميزات الشهادة:

 

  • في أكتر من نوع عائد تطرحه البنوك بداية من الشهري للربع سنوي، والنص سنوي، والسنوي.
  • تقدر تقدم على كريدت كارد/بطاقة ائتمان بضمان الشهادة.
  • في بعض البنوك بتسمح بالتقديم على قروض بضمان الشهادة.
  • الشهادة ممكن تتكسر بعد مرور 6 شهور من شرائها، مع وجود نسبة خصم بيحددها كل بنك.
  • في بعض البنوك بتقدم مميزات خاصة زي بنك التعمير والإسكان اللي بيدي لأصحاب النوع ده من الشهادات حق اختيار وحدة سكنية من مشروعاته، بشرط شراء شهادات بتمثل حوالي 50% من قيمة الوحدة.

 

الورق المطلوب لفتح الشهادة:

 

  • لو عميل قديم في البنك، هتحتاج تملي طلب فتح شهادة في بعض البنوك، وفي بنوك مش بتحتاج أي أوراق.

 

  • لو عميل جديد:

                     - صورة رقم قومي

                     - فاتورة مرافق

                     - نموذج فتح حساب

                     - طلب فتح شهادة

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع