إيه هي ضريبة القيمة المضافة؟

ضريبة القيمة المضافة هي ضريبة بتفرض على السلع والخدمات، وهي ضريبة استهلاكية، وهي بتفرض على المنتج في كل مراحل إنتاجه لغاية ما يوصل للمستهلك وهي بتحل محل ضريبة المبيعات.

ضريبة القيمة المضافة في مصر:

في سبتمبر 2016 تم تطبيق ضريبة القيمة المضافة في مصر مكان ضريبة المبيعات واللي كانت 10%، ونسبة ضريبة القيمة المضافة كانت 13% أول ما اتطبقت، وبعد كدة في يوليو 2017 بقت 14%.

ضريبة القيمة المضافة هي ضريبة بتفرض على السلع والخدمات، وهي ضريبة استهلاكية، وهي بتفرض على المنتج في كل مراحل إنتاجه لغاية ما يوصل للمستهلك وهي بتحل محل ضريبة المبيعات.

إيه الفرق ما بين ضريبة المبيعات وضريبة القيمة المضافة؟

ضريبة القيمة المضافة بتدفع في كل مراحل الإنتاج، بس في حالة ضريبة المبيعات، الضريبة بتدفع على المنتج النهائي بس، بمعنى أصح، لو مثلاً خدنا الرز كمثال، فالمزارع اللي بيزرع الرز هيروح يبيعه لمضرب الرز، بـ10 جنيه مثلاً، فالمضرب هيدفع 10.14 للمزارع، والـ14 قرش هيروحوا للحكومة، وبعد كدة مضرب الرز هينظف الرز ويغلفه ويبيعه للسوبرماركت بـ20 جنيه، بس السوبرماركت هيدفع 22.80 جنيه، والـ2.80 جنيه هتروح للحكومة، وبعد كدة السوبرماكت هيبيع الرز للمستهلك بـ25 جنيه، بس المستهلك هيدفع 28.5، و3.5 جنيه هتروح للحكومة.

إيه مميزات ضريبة القيمة المضافة؟

• بتمثل دخل ثابت لميزانية الدولة.

• ما بتفرقش ما بين غني وفقير لإنها بتبقى على حسب الاستهلاك مش الدخل، والغني هيدفع أكتر لإن استهلاكه هيبقى أكبر.

• بتشجع الشركات على تقليل تكلفة المنتج.

• بتسهل على الحكومة متابعة مراحل الإنتاج ومعرفة تكلفة كل مرحلة.

هل في سلع وخدمات معفاه من ضريبة القيمة المضافة؟

أيوة، ولوعايز تعرف، في لستة كاملة على موقع مصلحة الضرايب