أمن عربيتك!
أمن عربيتك!
أمن عربيتك!

عارف أنك تقدر تأمن عربيتك بأقل من 2% من قيمة السيارة؟

faydety-logo-text

ازاي تحسب سعر الفايدة الحقيقي على مدخراتك في البنك؟

تاريخ النشر: 09 ديسمبر 2021

قاموس الفلوس

ازاي تحسب سعر الفايدة الحقيقي على مدخراتك في البنك؟

الزيادة في الأسعار دي هي معدل التضخم في الدولة اللي لازم تعمل حسابه كويس

وقت التحويش في البنك كل واحد ليه طريقته في اختيار البنك المناسب ليه، زي مثلاً البنك القريب أو سعر الفايدة الأعلى وهكذا، وطبعاً في أغلب الأوقات بيكون أهم حاجة هو سعر الفايدة، ومع اختلاف أسعار الفايدة من بنك للتاني، لازم تراجع كويس العائد اللي هيوصلك على المبلغ ده قد ايه و هيوصل بعد فترة قد ايه، وده بسبب ان مع الوقت كل حاجة اسعارها بتتغير للأعلى.

 فـ مثلا لو بتشتري دلوقتي منتج معين بـ 100 جنيه والسنة اللي جاية بقى سعره 105 جنيه، ففكرت تشتري شهادة استثمار سنوية بالمبلغ ده والفايدة 5% يبقى انت كده بعد سنة مش هتقدر تشتري حاجة زيادة بالمبلغ الإضافي بسبب الزيادة في سعر المنتج، فـ عشان كده لازم عشان تحقق عائد كويس يبقى سعر الفايدة في البنك أكتر من 5%.

 

زيادة التضخم بنسبة صغيرة كل سنة بيساعد على النمو الاقتصادي لأنه بيشجع الناس على الصرف 

 

ببساطة الزيادة في الأسعار دي هي معدل التضخم في الدولة اللي لازم تعمل حسابه كويس، وهو شيء طبيعي لازم يحصل في أي اقتصاد مع مرور الوقت، وفي أسباب كتيرة بتشارك في ارتفاعه، وزيادة التضخم بنسبة صغيرة كل سنة بيساعد على النمو الاقتصادي لأنه بيشجع الناس على الصرف لأن بيبقوا عارفين إن الحاجة اللي هيقدروا يشتروها دلوقتي ممكن ما يقدروش يشتروها بعد كدة، وبرضو يشجع الناس على الاستثمار في أصول غير نقدية عشان يحافظوا على قيمة مدخراتهم.

 

لو عايز تعرف أكتر عن التضخم ممكن تقرأ هنا، يعني ايه تضخم وايه هي أنواعه من هنا.
 

ازاى تقدر تعرف معدل التضخم دلوقتي؟
 

البنك المركزي المصري بيحسبلك معدل التضخم بشكل دوري على الموقع الخاص بيهم، وتقدر تتابعه من هنا.

 

ايه هو سعر الفايدة الحقيقي؟

 

هو سعر الفايدة اللي بيعرضه عليك البنك ناقص نسبة التضخم، والحسبة دي هتساعدك تعرف اذا كان بيدخلك عائد حقيقي على فلوسك ولا لأ، وبكده تلقائياً وانت بتختار البنك المناسب ليك أو لما تشوف اعلان شهادة ادخار جديدة هتكون عارف كويس ايه العائد الحقيقي على فلوسك اللي هتقدر تستمتع بيه بعد كده، انما سعر الفايدة اللي بيعلنه البنك ده هو "سعر الفايدة الاسمي".

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين