أمن عربيتك!
أمن عربيتك!

أمن عربيتك!

عارف أنك تقدر تأمن عربيتك بأقل من 2% من قيمة السيارة؟


 

ازاي تستخدم الكريدت كارد/Credit Card بذكاء وتستفيد منه!

تاريخ النشر: في قاموس الفلوس

ازاي تستخدم الكريدت كارد/Credit Card بذكاء وتستفيد منه!

الكريدت كارد حل بنكي ليه فوايد كتير!

لو عايز تشتري حاجة نفسك فيها أوي ومش معاك تمنها، ياترى ايه الحلول اللي متاحة قدامك دلوقتي؟

 

- تدخل جمعية وتقبض الأول

 

ده أنسب حل ممكن تعمله خصوصاً ان كده هتسدد المبلغ من غير فوايد، بس الصعوبة في انك ازاي هتجمع عدد المشتركين في الجمعية، وكمان ازاى هتقنعهم تبقى الأول؟

 

- تستلف من حد

 

في الأغلب لو هتستلف من صاحبك مش هياخد فايدة على الفلوس، بس مش هتكون مرتاح في التسديد أو الأقساط وهتبقى عايز تسدد في أسرع وقت.

 

- تحوش المبلغ ده

 

مع معدلات التضخم دلوقتي والأسعار اللي بتغلى كل شوية، فـ انت مش ضامن انك على ما تحوش المبلغ ده هتكون الحاجة دي لسه موجودة ولا لأ، وكمان مش ضامن ان سعرها يفضل زي ما هو.
 

وعشان كده أنسب وأذكى حل هو بطاقة الائتمان لأنك هتشتري دلوقتي وتسدد براحتك بقسط صغير، وممكن تلاقي عروض وخصومات على سعر الحاجة اللي عايز تشتريها، ده غير كمان النقاط اللي هتاخدها وتقدر بيهم تشتري حاجات تانية.

وبما أن الخميس 21 أكتوبر هو اليوم العالمي لـ Get Smart about Credit Day، هنقولك ممكن تستخدم فيزا المشتريات في ايه عشان توفر في فلوسك:

 

1-  لو هتتجوز قريب

 

بتحضر لفرحك قريب؟ يبقى أكيد مفيش غير الكريدت كارد/ Credit Card اللي هتسد معاك فى مفاجآت الجهاز، خصوصاً أنك تقدر تطلب من البنك يسحب الأقساط من مرتبك أول بأول من غير ما تتزنق فى نهاية فترة السماح.

 

لو بتحب تسافر كل فترة تتفسح وتغير جو، يفضل يكون معاك بطاقة ائتمان عشان تتجنب التعرض للسرقة

 

2-  السفر

 

لو بتحب تسافر كل فترة تتفسح وتغير جو، يفضل يكون معاك بطاقة ائتمان عشان تسهل على نفسك ومتتعرضش للسرقة لما تشيل كاش كتير، وكمان هتخليك تتعامل بعملة البلد اللى انت فيها، وممكن تختار بطاقة الائتمان بنظام مكافأت أميال السفر/ Travel Miles، اللى تقدر تستفيد بيها في حجز تذاكر الطيران.

 

اعرف أكتر عن استخدام بطاقة الائتمان في السفر من هنا، 5 نصايح لاستخدام الكريدت كارد وانت مسافر

 

3-  إشتري أونلاين

 

عصر السرعة والشغل والشوبينج أونلاين محتاج طريقة دفع سريعة برضه أونلاين، ومن أهم ميزات بطاقة الائتمان هي القدرة على استخدامها أونلاين وعلى مواقع أجنبية كمان بالعملات الأجنبية، ومش بتحتاج تكون متفق مع البنك من البداية على استخدام عملة محددة، زي ما شهادات الاستثمار مثلاَ عندها أنواع بعملات مختلفة، ده غير ان فى كروت للاستخدام اونلاين بس. اهم حاجة تاخد بالك وانت بتدخل بيانات الكارت أن يبقى الموقع موثوق فيه. 

 

ادخل على محول عملات فايدتي، لو عايز تعرف اخر أسعار العملات الأجنبية بالمقارنة بـ الجنيه في البنوك المصرية قبل ماتقدم على بطاقة الائتمان بالعملات الأجنبية.

 

4- طور من نفسك

 

طور من شغلك ومن مهاراتك بأنك تاخد كورسات فى مجالك وادفع بالكريدت كارد/Credit Card بسهولة على مواقع زي Coursera و Udemy، أشهر المواقع العالمية للكورسات الخاصة بالـ ديجيتال ماركتينج مثلاً.

 

قدم دلوقتي على الكريدت كارد/ Credit Card اللي محتاجه مع فايدتي من مكانك ببلاش.