أمن عربيتك!
أمن عربيتك!
أمن عربيتك!

عارف أنك تقدر تأمن عربيتك بأقل من 2% من قيمة السيارة؟

faydety-logo-text

اعرف أهم 4 أنواع من التأمين وازاي تقدم عليهم!

تاريخ النشر: 03 أكتوبر 2020

قاموس الفلوس

اعرف أهم 4 أنواع من التأمين وازاي تقدم عليهم!

اعرف أهم تفاصيل شراء التأمين قبل ما تقدم

ممكن الواحد يكون حابب يشتري تأمين بس الموضوع لسه جديد علينا، فلو الواحد عايز يشتري تأمين، يقدر يعمل الموضوع ده إزاي؟ طبعاً الموضوع بيختلف على حسب نوع التأمين اللي أنت حابب تشتريه.

 

تأمين السفر:

 

لو عايز تشتري تأمين عشان هتقدم على فيزا أو محتاج إنك تبقى مطمن وأنت مسافر، كل اللي أنت محتاجه هو إنك تروح لشركة التأمين (أو موقع الشركة لإن حالياً في شركات بتقدم الأوبشن إنك تشتري أونلاين) ويكون معاك تفاصيل سفرك والباسبور، وعادة بتقدر تاخد وثيقة التأمين في ساعتها.

 

تأمين العربية:

 

هتحتاج بيانات العربية كلها زي رقم الشاسيه والموديل وسنة الصنع والرقم القومي، ورخصة العربية، والقيمة المقدرة للعربية وطبعاً محتاج تعرف نوع التأمين اللي أنت عايزه سواء كان تأمين تكميلي وبيبقى ضد الحوادث والسرقات، وده بيبقى غير التأمين الإجباري (المسؤولية المدنية) اللي أنت بتدفعه وأنت بترخص العربية وده بيبقى حماية للأشخاص اللي ممكن يحصلهم ضرر بسببك ، أو ممكن تشتري تأمين ضد الحريق.

 

 مبلغ بوليصة التأمين ممكن تدفعها مرة واحدة أو تقسطها في خلال السنة على حسب اتفاقية التأمين.

 

تأمين الممتلكات الخاصة:

 

هتحتاج بيانات الحاجة اللي أنت عيز تأمن عليها وقيمتها المقدرة، وبيتم فحص الحاجة وتقييم التأمين عليها، من انواع التامين ده التأمين علي البيوت والعقارات.

 

امن بيتك دلوقتي من خلال فايدتي من مكانك.

 

تأمين على الصحة:

 

بتحتاج تملى بياناتك الصحية أنت وأي أفراد عايز تأمن عليهم، وبيبقى فيه كذا نوع تأمين على حسب أنت ناوي تدفع أد إيه، وفي بعض الأحيان بتحتاج تعمل فحص طبي عشان شركة التأمين تقدر صحتك ومدى خطورة التأمين عليك. 

 

وطبعاً في أي حالة، بيبقى في مبلغ بوليصة التأمين اللي ممكن تدفعها مرة واحدة أو تقسطها في خلال السنة على حسب اتفاقية التأمين.

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين