اعرف يعني إيه قروض متناهية الصغر وازاي تقدم عليها؟ | فايدتي

اعرف يعني إيه قروض متناهية الصغر وازاي تقدم عليها؟

تاريخ النشر: في قاموس الفلوس

اعرف يعني إيه قروض متناهية الصغر وازاي تقدم عليها؟

عندك مشروع صغير وعايز تمويل؟

القروض المتناهية الصغر دي بتبقى قروض مبالغها صغيرة، وعادة بتبقى لتمويل مشاريع صغيرة في المجتمع المحلي، وعادة بيبقى اللي بيقدم للقروض دي، تاريخه الائتماني مش كويس أوي، ومخاطرة إنه ما يقدرش يسدد القرض أعلى، وعشان كدة نسبة الفايدة على النوع ده من القروض بتبقى أعلى شوية من القروض العادية.

 

قيمة القرض المتناهي الصغر

 

بيختلف تعريف قيمة القرض المتناهي الصغر من مؤسسة للتانية، ولكن عادة بيبقى من 4000 جنيه لغاية 100,000 جنيه على حسب نوع المتقدم كفرد أو شركة.

 

مين اللي بيقدم خدمة القروض المتناهية الصغر؟

 

في أكتر من مؤسسة بتقدم القروض المتناهية الصغر، بس كلهم بيخضعوا للرقابة من الهيئة العامة للرقابة المالية، وعادة نوع المؤسسات بيقع في الآتي:

 

  1. جمعيات أهلية
  2. شركات تمويل
  3. بنوك 

 

اعرف أكتر عن طرق تمويل المشاريع متناهية الصغر بالتفصيل من هنا.

 

إيه الهدف من القروض المتناهية الصغر؟

 

الهدف الأساسي هو تقليل نسبة الفقر، وتقديم طريقة لمحدودي الدخل لإنهم يشغلوا الناس في مجتمعهم وتحسين مستوى المعيشة فيه، وفي نفس الوقت تشجيع وضم فئات من الناس اللي بتعتبر مُهمشة للسوق. الفئات المُهمشة هي ناس دخلهم محدود جداً لدرجة إنهم مش جزء من نظام البنوك لإن دخلهم بيعتمد على المعاملات النقدية (الكاش) بس.

 

بيختلف تعريف قيمة القرض المتناهي الصغر من مؤسسة للتانية، ولكن عادة بيبقى من 4000 جنيه لغاية 100,000 جنيه على حسب نوع المتقدم كفرد أو شركة.

 

إيه شروط التقديم على قرض متناهي الصغر؟

 

ممكن تختلف متطلبات التقديم من مؤسسة للتانية، ولكن عادة بتبقى الآتي:

 

1. السن من 21- 65

 

2. وجود ضامن من القرايب من الدرجة الأولى زي أب أو أم أو حد من الأخوات.

 

3. تاريخ ائتماني مقبول (i-score).

 

4. إن المتقدم يكون عنده بطاقة رقم قومي سارية.

 

5. عقد إيجار أو تمليك.

 

6. فاتورة مرافق.

 

وفي بعض الأحيان بيبقى في شرط إن يكون المتقدم بيمارس نفس نوع العمل الخاص بالمشروع لمدة سنة على الأقل.