الفرق ما بين الدين الداخلي والدين الخارجي

الدين الداخلي أو الخارجي هو دين بيقع عبئه على ميزانية الدولة وغالباً بيمثل عجز في الميزانية، وعادة الحكومة بتقترض لتمويل مشاريع مهمة بالنسبة للبلد أو المواطنين أو للخروج من أزمة زي ما مصر عملت في 2017 لما أخدت دين من صندوق النقد الدولي.

الدين الداخلي:

هو قروض الحكومة بتاخدها من مؤسسات محلية زي بنوك أو عن طريق إصدار سندات، وعادة بيبقى بالعملة المحلية للبلد.

الدين الخارجي:

هو قروض الحكومة بتاخدها من مؤسسات خارجية زي بنوك من بلاد تانية أو مؤسسات عالمية زي البنك الدولي وصندوق النقد الدولي.

في آخر 2019، سجلت مصر ديون خارجية بقيمة 108699 مليار دولار، وتقريباً 30% من ديون مصر الخارجية من مؤسسات دولية.

إزاي الحكومة بتقرر إن كانت تاخد قرض خارجي؟

الموضوع بيختلف من دولة للتانية، في أغلب البلاد الحكومة بتطرح الموضوع للمناقشة في البرلمان، بتطرح مخاطرة القرض وخ   طة السداد، وبعد كدة البرلمان إما بيوافق أو بيرفض.

وبالنسبة للمؤسسة اللي بتمنح القرض، فهي بتطرح شروط خاصة بالقرض، لازم الحكومة تنفذها زي ما حصل مع قرض صندوق النقد الدولي في 2017 لما الحكومة ابتدت تطبق سياسات تقشف زي شيل الدعم، وفي نفس الوقت المؤسسة الخارجية بتشوف نسبة المخاطرة عن طريق مقارنة ديون الدولة بالناتج القومي الإجمالي.

إيه هي طرق تقليل الدين الداخلي؟

الطرق الأساسية لتقليل الدين الداخلي هي تخفيض الصرف الحكومي وزيادة الضرايب لإن بكدة دخل الدولة بيزيد وبيديها فرصة لتسديد ديونها.

الديون المصرية:

في آخر 2019، سجلت مصر ديون خارجية بقيمة 108699 مليار دولار، وتقريباً 30% من ديون مصر الخارجية من مؤسسات دولية.

وديون داخلية بقيمة 4.186 تريليون جنيه مصري، وتتضمن السندات والتأمين الإجتماعي وغيرها.