ايه هو IBAN/ رقم الحساب المصرفي الدولي؟ | فايدتي

ايه هو IBAN/ رقم الحساب المصرفي الدولي؟

تاريخ النشر: في قاموس الفلوس

ايه هو IBAN/ رقم الحساب المصرفي الدولي؟

ايه هو رقم الاّيبان وبتعرفه منين؟

البنك هو أفضل مكان لتحويل واستقبال الفلوس، وعشان لما تبعت لحد حوالة توصل في ميعادها لو كانت جوه أو بره مصر، يبقى لازم تعرف رقم الاّيبان وده اللى هيسهل عليك كل حاجه

 

 

ايه هو رقم IBAN أو رقم الحساب المصرفي الدولي؟

 

هو نظام دولي بدأت تستخدمه البنوك المصرية بعد قرار البنك المركزي في شهر يونيو 2020، ومن بعده عملت كل البنوك ورش عمل للموظفين لتطبيق النظام الجديد (IBAN)، والهدف من رقم الحساب المصرفي الدولي انه بيسهل عملية التحويلات البنكية من غير تدخل العنصر البشري وبيقلل الاخطاء اللى ممكن تحصل بسبب التأخير في وصول الحوالات البنكية الدولية، وكمان بيحافظ على سرية معلومات العملاء.


 

تفاصيل IBAN:

 

  • بيتكون من 34 حرف أبجدي ورقمي، ومن ضمن الحروف دي بيكون فيه رقم الحساب ورمز البلد، وكل حرف بيساعد في معرفة الحساب المصرفي المحدد.


 

  • IBAN ليه دور مهم جدا بيساعد المؤسسات المالية تتأكد من دقة رقم الحساب عشان يتجنبوا استرداد المعاملات البنكية اللى بتاخد وقت ومجهود كبير لو رقم الحساب طلع غلط.


 

  • السرعة والدقة من أهم مميزات IBAN، لأنها بتساعد أن الحوالة البنكية تتبعت في وقتها أول ما البنك يتأكد ان رقم الحساب صح.


 

  • رقم الحساب المصرفي الدولي بتعرفه من خلال زيارة أقرب فرع  بنك ليك او من خلال خدمة العملاء في التليفون.

 

 

IBAN ليه دور مهم جدا بيساعد المؤسسات المالية تتأكد من دقة رقم الحساب عشان يتجنبوا استرداد المعاملات البنكية اللى بتاخد وقت ومجهود كبير لو رقم الحساب طلع غلط.

 

 

ايه العمليات اللى يفضل تستخدم فيها رقم IBAN؟ 

 

  • استقبال أي تحويل مالي من أي حساب بنكي جوه او بره مصر لحسابك في البنك

 

  • إرسال أي تحويل مالي من أي حساب بنكي جوه او بره مصر، مش هيتقبل من البنك المستلم غير لما يعرف رقم الحساب المصرفي الدولي