ايه هى الديون البنكية، وتفاصيلها، ومميزات التقديم عليها؟

بتفكر تستلف من البنك!  يبقى لازم تعرف انه بيقدم نوعين من الاقتراض، فيه ديون بتسددها على مدة قصيرة عشان تخلص منها بسرعة، وفي ديون ممكن تسددها على سنين عشان متزنقش نفسك وكل ده بيبقي تحت مسمى "الديون البنكية"

ايه هى الديون البنكية؟
 

هو نوع من الديون بيقدمها البنوك، وبتتفق على المدة اللى هتسدده فيها، وبيكون عليه مصاريف إدارية و فايدة بيحددها البنك على حسب حاجات كتير من ضمنها، تاريخك الائتماني، ويفضل تقرأ تفاصيل القرض اللى هتاخده قبل ما تمضي عليه وتشوف مناسبة ليك ولا لأ!
 

الديون البنكية بتضم:
 

1- القرض الشخصي
 

وده مبلغ بتستلفه من البنك بيكون بضمان المرتب بتاعك أو شهادة استثمار، وبتاخده لأسباب كتير زي:

• توحيد الديون
• تجهيزات الفرح والجواز
• سفرية بره مصر
   

قارن دلوقتي ما بين القروض الشخصية على فايدتي قبل ماتقدم من مكانك.

2- قرض العربية
 

فى النوع ده بتستلف مبلغ  من البنك عشان تشتري عربية، وممكن تدفع مقدم وتكمل الباقي بتمويل البنك، والعربية بتكون ضمان للبنك لحد ما تسدد تمنها.

قارن دلوقتي ما بين القروض السيارات على فايدتي قبل ماتقدم من مكانك.
 

3- التمويل العقاري (قرض المنازل)
 

ودي نفس فكرة قرض العربية، لكن هنا بتاخد القرض عشان تشتري بيت، وبرضو البيت بيكون ضمان للبنك لحد ما تسدد أقساطه.

ادخل هنا لو عايز تعرف أكتر عن قرض المنازل، يعني ايه تمويل عقاري؟
 

ازاى الديون االبنكية بتحسن الـ I-Score بتاعك؟
 

لما بتاخد قرض أو تمويل من البنك لازم تتأكد انك قادر تسدد الأقساط في وقتها، وطول ما بتسدد في الميعاد، ده هيقوي تاريخك الائتماني، وعلى عكس الديون المتجددة، فـ لما بتخلص سداد أقساط القروض، الدين بيتقفل وساعتها بتبني تاريخ ائتماني قوي.

لما بتقدم على قرض (دين مقسط) بتبقى عارف هتدفع كام كل شهر على مدة القرض، وده بيساعدك تظبط ميزانيتك الشهرية

مميزات الديون البنكية
 

1- أقساط محددة
 

لما بتقدم على قرض (دين مقسط) بتبقى عارف هتدفع كام كل شهر على مدة القرض، وده بيساعدك تظبط ميزانيتك الشهرية، وده على عكس الديون المتجددة زي الكريدت كارد/Credit Card، واللي كل شهر بتدفع قسط مختلف، ممكن يزيد أو يقل على حسب استخدامك.

2- أقل فايدة

لو عميل مميز في البنك، وعندك تاريخ ائتماني/I-Score قوي وبتسدد اقساطك في ميعادها، لما بتيجي تقدم على قرض جديد، البنك بيقدملك فايدة أقل، وكمان بعض الناس بتاخد قرض شخصي عشان تسدد دين تاني وفي الأغلب بيكون دين متجدد زي اقساط بطاقة الائتمان.