أمن عربيتك!
أمن عربيتك!
أمن عربيتك!

عايز وسيط تأمين ببلاش؟ ادخل هنا واختار التأمين المناسب ليك بأكتر من طريقة تقسيط وسيب الباقي علينا.

faydety-logo-text

للمقبلين على الزواج: هتدفع كام في صندوق رعاية الأسرة؟

تاريخ النشر: 28 ديسمبر 2022

قاموس الفلوس

للمقبلين على الزواج: هتدفع كام في صندوق رعاية الأسرة؟

ايه الهدف من "صندوق رعاية الأسرة" ومصادر تمويله وازاي هيفيدك؟

قبل ما نقولك كل المعلومات اللي عاوز تعرفها عن صندوق رعاية الأسرة، اللي عامل تريند على جوجل خلال الساعات الأخيرة، خلينا نبص على قانون الأحوال الشخصية الجديد اللي الكل منتظره.

حاليًا بيتم إعداد قانون جديد للأحوال الشخصية وهيتم طرحه للحوار المجتمعي قريبًا بعد انتهاء وزارة العدل من الأحكام التفصيلية ليه خلال شهر تقريبا، ودا زي أعلنه وزير العدل المستشار عمر مروان.

 

لجنة إعداد قانون الأحوال الشخصية

 

وخلينا نقولك إن اللجنة اللي وجه الرئيس السيسي بتشكيلها بتشتغل حاليًا على إعداد قانون الأحوال الشخصية بصيغة ورؤية جديد لحل الأزمات والقضايا اللي القانون القديم مابقاش فعال في مواجهتها.

وتم الاستعانة في اللجنة المعنية بإعداد قانون الأحوال الشخصية بمجموعة استشارية بها عالم نفسي شهير، وعالمة اجتماع، وعالم مالي وعدد من علماء الشريعة الإسلامية وعلى رأسهم فضيلة المفتي.

وكل إجراء تم في القانون كان هناك القول العلمي الخاص بيه، سواء في الاستضافة، والرؤية، والحضانة، حتى لا يكون للهوى أو لرأي أو لتجربة شخصية أن تتأثر به، وأن نضع أحكام موضوعية بالفعل لتنظيم مسائل الأسرة.

بمناسبة كلامنا عن الجواز، اعرف من هنا أكتر عن شقق الإسكان الاجتماعي: 7 خطوات لحجز شقتك على موقع صندوق الإسكان الاجتماعي

 

ايه هي ملامح قانون الأحوال الشخصية الجديد؟

 

الحصول على موافقة من الأزهر الشريف والأوقاف ودار الإفتاء بشأن توثيق الطلاق.

"صندوق دعم الأسرة المصرية" وهو عبارة عن كيان هيتكفل بدعم الأسرة في أوقاتها الحرجة، والدعم الخاص له سيكون بمساهمة من الحكومة وكذلك من المقبلين على الزواج.

كمل قراءة المقال واعرف تفاصيل أكتر عن صندوق دعم الأسرة المصرية.

 

الحد من الطلاق

 

واحدة من أهم ملامح مشروع القانون اللي الدولة عاوزة تحد منه فعلًا معدل الطلاق المرتفع.

ودا هيكون من خلال محاولات جدية من قبل القاضي عن طريق الحوار مع الزوجين لإثنائهم عن فكرة الطلاق، وخاصة في بداية حياتهما.

ولو فشلت المحاولات دي يحدث الطلاق، بالإضافة إلى صندوق الأسرة المصرية والذي يستهدف توفير الدعم للأطفال بعد انفصال الوالدين لتوفير احتياجاتهم من التعليم والمسكن وغير ذلك.

 

التقليل من معاناة الأسرة

 

خلي بالك إن القانون الجديد هيكون في بنود لجعل إجراءات التقاضي في قضايا الأسرة أمام محكمة واحدة من خلال «الملف الواحد» بشكل يحد من معاناة الأسرة بسبب طول الإجراءات.

 

ايه هدف صندوق الأسرة المصرية؟

 

الهدف من إنشاء صندوق الأسرة المصرية، وهو صندوق هيحدد القانون الجديد تفاصيله وبنوده ومنه وضع وثيقة تأمين لدعم الأسرة ماديًا في مواجهة النفقات والتحديات اللي ليها علاقة بمسائل الأحوال الشخصية.

صندوق رعاية الأسرة المصرية كمان هيوفر المصادر التمويلية للصندوق ودعمه من قبل الدولة.

 

ايه هي مصادر تمويل الصندوق؟

 

الرئيس السيسي قال إن الصندوق هيحصل على الدعم من قبل الحكومة والمتزوجين.

والحكومة هتساعد في دعم الصندوق بنفس القدر اللي هيساهم بيه المقبلون على الزواج علشان تدعم المطلقات والأطفال ويوفر الحماية اللازمة.

وقال السيسي إنه: لو الصندوق جمع مليار هنحط مليار، ولو مليارين هنحط مليارين عشان وقت الخلاف نأمن ولادنا في كل شيء، ودا هيحمي الأسرة وقت الخلافات.

 

المتزوجون الجدد هيدفعوا كام؟

 

الرئيس السيسي اتكلم في الموضوع دا بالفعل على هامش افتتاح مصنعي الغازات الطبية والصناعية ومحطة توليد الطاقة الثلاثية بمجمع الصناعات الكيماوية بمنطقة "أبو رواش" في محافظة الجيزة.

وقال: "حضرتك جاي تتجوز حط في صندوق دعم الأسرة مبلغ مش كبير أوي كل الناس تقدر عليه.. اللي يقدر على الجواز هيقدر يدفع المبلغ ده".

وأضاف: إنتوا بتعملوا فرح وبتتخانقوا على الشبكة، وتيجوا عند الموضوع ده وتقولوا كتير.

 

رسوم صندوق دعم الأسرة المصرية

 

وحول الرسوم اللي هيدفعها المقبلون على الزواج للمساهمة في مصادر تمويل الصندوق قال الوزير: 

"المبالغ ستكون زهيدة التي سيدفعها المقبلين على الزواج وسيكون مبلغ صغير جداً لا يشكل عائق أمام أي مستوى إجتماعي وجاري تحديد ذلك المبلغ الآن من المختصين عند توثيق الزواج".

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع