يعني إيه دعم وإيه هي انواعه؟

الفترة اللي فاتت الحكومة ابتدت تشيل الدعم تدريجياً، كنوع من أنواع الإصلاح الاقتصادي وتخفيف العبء عن الدولة، بس قبل ما ندخل في الموضوع ده، هو

يعني إيه دعم أصلاً؟

الدعم الحكومي هو نوع من أنواع المساعدة اللي بتقدمها الحكومة عشان تساعد مواطنيها سواء أفراد أو شركات على تحمل أعباء المعيشة، ويٌقال إن أول نوع من الدعم قدمته الحكومات في العالم كانت لمساعدة المزارعين في الفترة ما بين القرن الـ16 والـ18.

المستفيد الأساسي من الدعم هم محدودي الدخل. وفي الفترة اللي فاتت في مصر، كان أغلبية الدعم للأفراد في صورة دعم عيني زي توفير السلع الأساسية بأسعار  بسيطة زي العيش والسكر والزيت والأرز والشاي. وحالياً الحكومة بتنتقل تدريجياً من دعم عيني لدعم نقدي.

هو الدعم ابتدى امتى في مصر؟

ابتدى الدعم في مصر أيام الحرب العالمية الثانية للتخفيف على المواطنين أعباء السلع الاساسية زي الدقيق والزيت والكيروسين وكان يتم بيعهم بأسعار مخفضة ، والدعم بعد كده مكانش مقتصر بس على السلع هو كمان وصل للتعليم والصحة .

أنواع الدعم الحكومي:

1. الدعم الغير مباشر:

هو لما الحكومة تخصص جزء من الميزانية لتخفيض أسعار خدمات أو سلع، و أمثلة على الدعم الغير مباشر:

• دعم استهلاكي: وده لما الحكومة بتصرف عشان تقلل أسعار سلع أو خدمات زي البترول أو الكهربا أو منتجات زي الزيت والسطر وهكذا.

المستفيد الأساسي من الدعم هم محدودي الدخل. وفي الفترة اللي فاتت في مصر، كان أغلبية الدعم للأفراد في صورة دعم عيني زي توفير السلع الأساسية بأسعار  بسيطة زي العيش والسكر والزيت

2. الدعم المباشر:

لما الحكومة بتوجه الدعم لمجموعة معينة عن طريق تخفيض الضرايب، أو تسهيل الاجراءات.

• دعم التعليم: ونوع الدعم ده بيتمثل في تخفيض مصاريف التعليم أو توفير منح، وهكذا.

• دعم الإنتاج: وهنا الحكومة بتدعم النمو الاقتصادي عن طريق الاستثمارات ودي الطريقة اللي لجأت لها معظم الدول بعد ازمة 2008.

• دعم رواد الأعمال: هنا الحكومة بتدعم المؤسسات والشركات كنوع من أنواع التحفيز الاقتصادي ودعم نمو معدلات التوظيف.

• الدعم النقدي: وده لما الحكومة بتصرف فلوس لمحدودي الدخل أو المتعثرين.

هل الدعم بيتغير ولا ثابت؟

الدعم بيكون مبلغ تحدده الدولة كل سنة حسب الوضع الاقتصادي الحالي يعني ممكن في سنة يكون قليل وفي سنة يزيد وده بيفرق مع الناس في النسبة اللي هتغطيها الدولة من تمن السلع دي زي ما بنسمع اوقات إن الدعم اتشال بشكل جزئي عن بعض السلع أو بشكل كلي زي ما سمعنا مؤخرا عن البنزين والكهرباء.

وده بيكون عشان الدوله تقدر توفر احتياجات أهم بالنسبة لمحدودي الدخل.