يعني إيه صنايق استثمارية وأنواعها؟

الصناديق الاستثمارية المشتركة بتتأسس من أموال مجموعة من الأفراد وبيشرف عليها مجموعة من الخبراء بهدف استثمارها إما في الأسهم والسندات أو الأصول العقارية أو التجارة .

يعني في حالة توافر مبلغ مالي عايز تستثمره وخايف من الدخول بيه بشكل مباشر في أي استثمار أو تجارة فالصناديق الاستثمارية هي أفضل حل ليك لإنك بتدخل مع مجموعة مستثمرين، وبيشرف عليها خبراء فبتكون نسبة المخاطرة أقل .

أنواع الصناديق الاستثمارية المشتركة

صناديق الأسواق المالية 

هي أقل مخاطرة وبتركز على الاستثمارات قصيرة الأجل لكن هي الأقل ربحية مقارنة بالصناديق التانية. 

صناديق الدخل الثابت 

هي صناديق قايمة على تحقيق دخل بشكل ثابت ودائم للمستثمر إما عن طريق شراء السندات الحكومية أو الدخول في شراكات مساهمة لشراء ديون شركات أفلست.

صناديق الأسهم 

هي صناديق بتركز على تحقيق الأرباح من خلال الأسهم عشان كدة بتعتبر الأعلى من ناحية الربح و الأعلى مخاطرة كمان.

تنويع الاستثمارات : تنوع الأوراق المالية إللي بيمتلكها الصندوق بيوفر تنوع في الاستثمارات في مختلف الصناعات وعلى نطاق جغرافي واسع، وتنويع الاستثمار عامة كويس لإنه لو حصل مشكلة في سوق معين، بيبقى في الاستثمارات التانية، فالخسارة ما بتبقاش كبيرة. 

صناديق التوازن 

هي صناديق بتعتمد على التوازن بين الأسهم والدخل الثابت عشان كدة هي بتجمع بين نسبة ربح عالية مع تقليل المخاطرة قدر الإمكان. 

صناديق المؤشرات المتداولة 

تتميز بسهولة التعامل والشفافية لأنها بتتابع مؤشرات الأسهم فمن سهل معرفة استثماراتها ولإنها مدرجة في السوق، فمن سهل التعامل معها من شراء أو بيع عن طريق السوق نفسه وبكدة ممكن أي مستثمر الشراء من أي صناديق المؤشرات المتداولة من غير الرجوع للمصدر على عكس الصناديق الاستثمارية التانية إللي شرط من شروطها هو التعامل من خلال مدير الصندوق ده بجانب إن رسومها الإدارية منخفضة.

الصناديق التخصصية 

هي صناديق بتركز في الاستثمار على مجال محدد كالاستثمار في القطاع التكنولوجي أو الصحي أو العقاري.

الصناديق الدولية 

هي صناديق موزعة استثمارتها على أكتر من مكان حول العالم عشان كده نسبة المخاطرة عالية نتيجة إنها بيتحكم فيها عوامل وظروف الدول إللي بتستثمر فيها.

مميزات صناديق الاستثمار

توافر الخبرة في الإدارة : توافر الخبرة في المعاملات المالية ده غير القدرة على الاستفادة من الأسواق في أكتر من دولة واتخاذ أفضل القرارات الاستثمارية في مختلف الظروف إللي بيمر بيها السوق.

تنويع الاستثمارات : تنوع الأوراق المالية إللي بيمتلكها الصندوق بيوفر تنوع في الاستثمارات في مختلف الصناعات وعلى نطاق جغرافي واسع، وتنويع الاستثمار عامة كويس لإنه لو حصل مشكلة في سوق معين، بيبقى في الاستثمارات التانية، فالخسارة ما بتبقاش كبيرة.