يعني إيه كريدت كارد (بطاقة ائتمان)؟ | فايدتي

يعني إيه كريدت كارد (بطاقة ائتمان)؟

تاريخ النشر: في قاموس الفلوس

يعني إيه كريدت كارد (بطاقة ائتمان)؟

متابع تغير سعر الفايدة فى مصر عشان تعرف إيه أفضل كريدت كارد مناسب ليك؟!

كل ما الواحد يروح البنك، الناس هناك يقعدوا يسألوا إن كان عايز يعمل كرديت كارد أو بطاقة ائتمان، بس هو إيه الكريدت كارد ده؟

 

بطاقة الائتمان هي كارت تقدر تستخدمه في أي مكان، بره أو جوه مصر في المحلات أو أونلاين من غير ما رصيد حسابك في البنك ينقص، البنك بيدفعلك وأنت بعد كده بتسدد للبنك حسب خطة السداد الخاصة بالكارت.

بمعنى أصح، أنت بتستلف فلوس من البنك، ويعد كدة بتسددها على مهلك، وفي المقابل البنك بياخد فايدة على الفلوس اللي أنت استلفتها بعد فترة السماح. نسبة الفايدة بتتحدد حسب نوع الكارت وحسب معدل الفايدة اللي حدده البنك المركزي، وطبعاً البنك هو اللي بيحدد النسبة مش أنت.

 

السداد بيبقى إزاي؟

 

بعد ما بتستخدم الكارت، بيبقى في فترة سماح، لو سددت في خلال الفترة دي، عادة 48-55 يوم، ما بيتحسبش عليك فايدة، بعد فترة السماح، البنك بيصدر كشف حساب بالمبلغ اللي تم صرفه، وأقل مبلغ لازم تدفعه، والمدة اللي قدامك عشان تدفع أقل مبلغ بدون ما يكون عليك غرامة أو رفع نسبة الفايدة عليك. أهم حاجة إنك تدفع المبلغ قبل ميعاد السداد.

 

ميزة الكريدت كارد الأساسية هي تأجيل الدفع، وده بيديك فرصة إنك تستخدم فلوسك الكاش أو اللي في حسابك في البنك بالطريقة اللي تناسبك بدل ما تصرفها كلها مرة واحدة.

 

إيه مميزات الكريدت كارد؟

 

  • ميزة الكريدت كارد الأساسية هي تأجيل الدفع، وده بيديك فرصة إنك تستخدم فلوسك الكاش أو اللي في حسابك في البنك بالطريقة اللي تناسبك بدل ما تصرفها كلها مرة واحدة.

 

  •  تقدر تستخدم بطاقة الائتمان في مشترياتك على الإنترنت ودي ميزة مهمة لإن أغلب كروت الخصم المباشر في مصر ما بتقدمش الخدمة دي، بس لازم تعرف إزاي تحمي الكريدت كارد بتاعك الأول.

 

جمع نقط اكتر، تكسب أكتر وتقدر تستخدمها في مشترياتك أو تسافر بيها ،طبعاً حسب نظام كل بنك.

 

  • استخدام بطاقة ائتمان بيمكنك من استخدام تطبيقات زي Uber  أو Otlob بطريقة أسهل من غير ما تقلق إن كان معاك فكة أو كاش كفاية.

 

  • واحدة من أهم مميزات الكريدت كارد هي إنك مش محتاج تشيل كاش.

 

  • تقدر تستخدم بطاقة الائتمان بره مصر وأنت مسافر، وطبعاً مع أخطار السفر زي السرقة، الكرديت كارد بيبقى عليه تأمين، فلو حصل سرقة للكارت .تقدر تبلغ عنه، والمبالغ اللي تم صرفها بسبب السرقة ما بتتحسبش عليك، وتقدر تقارن بين 5 كريدت كارد للسفر بسهولة

تقدر تقارن وتختار الكريدت كارد المناسب ليك ولمدخراتك بسهولة من موقع فايدتي.