يعني ايه غسيل أموال وأضراره وعقوبته في مصر؟

يعني ايه غسيل أموال؟ ويعني ايه بنغسل الفلوس أصلًا؟ هل المقصود بيها إننا بنغسل الفلوس في الغسالة فهل ده المعني السليم للمصطلح دا ولا ايه؟ دا اللي هتعرفه دلوقتي لما تكمل قراية المقال دا على بلوج فايدتي.

اعرف أكتر عن دورة غسيل الأموال من هنا: ايه معنى دورة غسيل الأموال خطواتها ومراحل تطورها؟

يعني ايه غسيل أموال؟

ببساطة يعني إنك تكسب فلوس عن طريق غير مشروع وبعدين خفيت مصدرها الأصلي واستثمرتها في مشاريع تقبل بيها الدولة.

غسل الفلوس فيه 3 مراحل:

1- الإيداع: ببعد الفلوس عن مصدرها الأصلي الغير مشروع.

2- التمويه: بضلل الحكومة عن مصدر الفلوس الأصلي. 

3- الادماج: بدخل الفلوس في مصدر يكون باين إنه مقبول للدولة.

بس خلي بالك إنه مش دايمًا بيحصل الـ 3 مراحل دي، وممكن أدمجهم في مرحلتين.

ايه هي أضرار غسيل الأموال علي دولتك؟

• اقتصاديًا: التضخم والأسعار هتزيد.
• سياسيًا: المجرمين هيكون ليهم سلطة كبيرة في البلد.
• اجتماعيًا: هيحصل فروق كبيرة بين الطبقات في المجتمع.

اعرف أكتر عن مصطلحات ليها علاقة بالفلوس وشرحها بالتبسيط من بلوج فايدتي.. ادخل هنا

ايه هي عقوبة غسيل الأموال في القانون المصري؟

قانون رقم 80 لسنة  2002 بدأ يتنفذ كقانون دولي في 10 ربيع الأول 1423 (22 مايو سنة 2002).

وبعدين اتعدل بقانون 78 لسنة 2003 وبدأ يتنفذ كقانون دولي في 8 ربيع الاخر سنة 1424 (8 يونيه 2003).

المادة رقم 14 كانت بتنص على إن صاحب جريمة غسيل الأموال يتسجن مدة متتجاوزش السبع سنين وغرامة بقيمة الفلوس اللي غسلها.

لكن التعديل اللي حصل بعد كده هو إن لو في أكتر من متهم في جريمة غسيل الأموال، وقرر واحد منهم إن يبلغ عن الباقي واتقبض عليهم هيطلع منها من غير سجن ولا غرامة.

وحدة غسيل الأموال في البنك المركزي

اسمها وحدة مكافحة غسل الأموال وتمويل الإرهاب واتأسست سنة 2002 وهي عبارة عن وحدة التحريات المالية المصرية. 

والوحدة دي بتتلقى الإخطارات والمعلومات عن أي عملية مشبوه فيها زي غسل الأموال وتمويل الإرهاب أو التلاعب المالي، وبعدين بتحللها وبتقدم النتيج وبتنفذ القانون لو في عمليات مشبوهة.

كل تفاصيل قانون غسيل الأموال هتلاقيها هنا

طرق غسيل الأموال المشهورة

بيم حظر الأموال المتحصلة من:

• زراعة وتصنيع النباتات والجواهر والمواد المخدرة وتصديرها والاتجار فيها.
• جرايم اختطاف وسائل النقل واحتجاز الأشخاص.
• استيراد الأسلحة والذخائر والمفرقعات والإتجار فيها وصنعها بدون ترخيص.
• سرقة الأموال واغتصابها.
• النصب وخيانة الأمانة والتدليس والغش.
• الفجور والدعارة.
• جرائم الآثار.
• الجرائم المتعلقة بالبيئة بالمواد والنفايات الخطرة.
• الجرائم اللي بيعاقب عليها القانون المصري والأجنبي ومشار ليها في الاتفاقات الدولية.

اعرف أكتر عن وحدة مكافحة غسل الأموال تمويل الإرهاب المصرية