أنواع غرامات قروض البنوك وازاي تتفاداها؟ | فايدتي

أنواع غرامات قروض البنوك وازاي تتفاداها؟

تاريخ النشر: في نصايح ببلاش

أنواع غرامات قروض البنوك وازاي تتفاداها؟

خلي بالك من مواعيد سدادك

القروض بيبقى ليها غرامات محددة عادة خاصة بالتسديد، ولكن هي سهل إنك تتفاداها عن طريق إنك تسدد في ميعادك، وإنك تبقى عارف الغرامات دي بتحصل امتى وليه.

 

نوع الغرامات:

 

غرامة التسديد المبكر:

 

ودي بتبقى غرامة بتدفعها لو أنت قررت تسدد المبلغ الباقي من القرض مرة واحدة بدل ما تسدد الأقساط، وفي بعض الأحيان ما بيبقاش في غرامة سداد مبكر، بس ده بيعتمد على البنك ونوع القرض، فلازم تسأل، وعادة بتتراوح الغرامة ما بين 2% لـ13% من المبلغ الباقي على حسب طريقة الدفع، وعادة الدفع النقدي بيبقى غرامته أقل.

 

غرامة التأخر في التسديد:

 

بتختلف الغرامة من بنك للتاني، وممكن تبقى مبلغ محدد ما بين 20-200 جنيه زائد نسبة زيادة على القسط اللي أنت متأخر في سداده.

 

لو أنت مش مستعجل على تسديد باقي القرض لسبب معين، يبقى إمشي على الجدول المحدد بدل ما تكلف نفسك فلوس زيادة

 

غرامة إعادة جدولة القرض:

 

لو أنت عندك مشكلة في السداد للمبلغ الباقي للقرض، ممكن إنك تطلب إعادة جدولة القرض، وده بيديك مهلة أطول في تسديد القرض، ولكن في المقابل البنك بياخد رسوم زيادة، وعادة بتبقى 3% من المبلغ الباقي.

 

إزاي تتفادى الغرامات؟

 

عن طريق السداد في المعاد المحدد، ولو أنت مش مستعجل على تسديد باقي القرض لسبب معين، يبقى إمشي على الجدول المحدد بدل ما تكلف نفسك فلوس زيادة.