إزاي تحمي فلوسك خلال الأزمات المالية

أحسن طريقة ممكن تحمي بيها نفسك ضد موجات الأزمات المالية هي تنويع طرق التحويش والبعد على أد ما تقدر عن شراء الكماليات لأنها عاملة بالضبط زي الثقب الأسود بيبلع كل إللي بيقرب منه، وعشان كدة حاولنا نجمع لك أفضل الطرق للحفاظ على فلوسك خلال الأزمات المالية.

1. التحويش

التحويش هنا مش معناه بس ودائع بنكية لكن التنويع ما بين إنك تسيب شوية فلوس كاش واستثمار جزء تاني في شكل أصول سواء كان عقارات أو تجميدها على هيئة ذهب عشان متتعرضش للتضخم، فتقل قيمتها نتيجة زيادة الأسعار.

 في حالة الأصول فمن الأفضل اختيار عقارات داخل العاصمة والبعد عن المدن الجديدة باعتبارها سوق عقاري مفتوح فممكن يقلل ده من ثمن وقيمة العقار أما في حالة الذهب فمن الأفضل البعد التام عن المصوغات باعتبار انها بتقل قيمتها نتيجة المصنعية و الاتجاه للسبائك المدموغة 24 قيراط.

2. تنويع المحافظ الاستثمارية

لو أنت عندك محفظة استثمارية من الأول، فمن الأفضل ان يكون أغلبها بالكاش وليس بالأسهم لأن في حالة أي أزمة، الأسهم بتطرأ عليها تراجعات فحاول إنك تركز بس مع الشركات إللي ممكن تدر عليك أرباح .

3. ما تحطش البيض كله في سلة واحدة

أكبر درس ممكن تتعلمه من أزمة 2008 هي متحطش كل فلوسك في بنك واحد لأن حتى أكبر البنوك ممكن تنهار.

أحسن طريقة ممكن تحمي بيها نفسك ضد موجات الأزمات المالية هي تنويع طرق التحويش

4. فتح حساب توفير لأوقات الأزمات

من الأفضل فتح حساب ادخار خلال الأزمة تحسباً لأي وضع طارئ.

5. بلاش مضاربات عامة

من الأفضل خلال الأزمة البعد عن أي مخاطرة مش مضمونة ولو لازم تدخل في الدايرة دي فيكون فحدود ضيقة جداً مش بكل فلوسك.

6.  السلوك الاستهلاكي عدو الادخار الأول

التحكم في المصاريف هو أساس الحماية من أي أزمة مفاجأة وده طبعاً أساسه هو التحكم في سلوكنا الاستهلاكي و البعد التام خلال الأزمات على الأقل عن شراء أي كماليات مش بس كدة ده لازم برمجة عقلنا الباطن بشكل سنوي أوشهري على سلوك الادخار سواء كان في أزمة أو لا.