إزاي تضبط تاريخك الائتماني؟

تاريخك الائتماني ممكن يأثر على مستقبلك المالي لإنه بيبقى مؤشر للبنك إن كنت شخص بيعرف يسدد في ميعادة ويقدر يحتمل مسئولية قرض أو كريدت كارد، وعادة لو الi-score بتاعك مش مضبط، هتلاقي إن حتى لو البنك رضي يديك قرض، فنسبة الفايدة هتبقى عالية جداً، وشروطه هتبقى صعبة بسبب إنك بتعتبر عميل ذو مخاطرة عالية.

1. شوف تقرير الـi-score بتاعك

أول حاجة لازم تعملها إنك تطلب تقرير الـi-score بتاعك عشان تعرف موقفك بالتفصيل إيه، وكمتن تعرف أنت محتاج ترفع رقمك بأد إيه، وتقدر تقدم طلب من خلال البنك، أو أونلاين من خلال الشركة المصرية للاستعلام الائتماني. 

2. ابتدي تسدد الأقساط اللي عليك في وقتها

لو عليك أقساط قروض أو بتسدد دين كريدت كارد، لازم تسدد في الوقت المناسب، يعني لو قرض، احرص إنك ما تتأخرش في تسديد القسط الشهري، ولو كريدت كارد، احرص إنك تسدد قبل فترة السماح ما تخلص، أو على الأقل المبلغ المطلوب في بيان الكريدت كارد الشهري في الميعاد المحدد.

تسديدك في الوقت المناسب هو أحسن طريقة لاسترداد تاريخك الائتماني، فلو لغيت الكريدت كارد مش هيبقى عندك حاجة تسمحلك إنك ترمم تاريخك الائتماني.

3. ما تلغيش الكريدت كارد

تسديدك في الوقت المناسب هو أحسن طريقة لاسترداد تاريخك الائتماني، فلو لغيت الكريدت كارد مش هيبقى عندك حاجة تسمحلك إنك ترمم تاريخك الائتماني.

4. ممكن تقدم على إعادة جدولة للقرض 

لو أنت مش قادر تسدد باقي القرض في ميعاده، فممكن تطلب من البنك إعادة الجدولة أو اعادة تمويل للقرض، وده بيديك مهلة أطول لتسديد القرض، وطبعاً بتدفع رسوم زيادة.

5. استنى سنتين قبل ما تقدم على قروض أو كريدت كارد جديد

أول ما تبتدي تضبط تسديدك لديونك، استنى سنتين قبل ما تحاول تقدم على قروض جديدة، لإن على حسب الشركة المصرية للاستعلام الائتماني، مشاكل التسديد بتفضل في الـi-score بتاعك لمدة سنتين وبعد كدة بتتشال أول ما تضبط حالك.