ازاى توفر وتستفيد بالعجلة بتاعتك! | فايدتي

ازاى توفر وتستفيد بالعجلة بتاعتك!

تاريخ النشر: في نصايح ببلاش

ازاى توفر وتستفيد بالعجلة بتاعتك!

5 طرق عشان تستفيد بالعجلة

حاجات كتير بتبقى عايز تعملها في يومك بس مش بتلاقي وقت، زي مثلا انك تلعب رياضة، أو تدورعلى شغل تاني عشان تزود دخلك...إلخ! بس لو ركزت هتلاقي ان العجلة من أكتر الحاجات اللى ممكن تساعدك في اللى محتاجه. وبمناسبة ان النهارده 3 يونيو اليوم العالمي للعجلة هنقولك ازاى توفر وتستفيد منها.

 

1- وفر في مواصلاتك!

 

لو بتتكلف مصاريف كتير في المواصلات وانت رايح وراجع من الشغل، ممكن تستبدل المواصلات بالعجلة اللي هتوفر عليك الزحمة وكمان الفلوس اللى بتدفعها كل يوم في أوبر أو المواصلات عموما.

 

2- رياضة!
 

لو كل فترة بتدفع اشتراك الجيم وبيضيع عليك عشان مش بتلاقي وقت تروحه أو بتكسل، ممكن بأقل من اشتراك الجيم تشتري عجلة، وتنزل كل يوم الصبح تجري بالعجلة أو حتى تروح بيها مشاويرك وتبقى ضربت عصفورين بحجر واحد!

 

لو استخدمت العجلة في أغلب مشاويرك هتساعدك تحافظ على صحتك 


 

3- اشتغل بيها!

 

ممكن تزود دخلك بالعجلة لما تشتغل عليهاوفي كذا ابليكيشن زي:

MRSOOL

Uber Eats

Talabat 

بيحتاجوا ناس عشان يوصلوا الطلبات للعملاء، والعجلة بتعتبر وسيلة سهلة وسريعة هتساعدك توصل للعميل بسرعة، وفي ابليكيشن زي MRSOOL لو كملت عدد رحلات معينة في اليوم  بتاخد Bonus غير الفلوس اللى بتاخدها من كل رحلة، وتقدر تعمل من 100 لـ 120 جنيه في اليوم لو اشتغلت 10 ساعات.


 

لو مش معاك عجلة وعايز تشتغل، قدم على كريدت كارد/Credit Card واشتري العجلة وسددها من الشغل.

 

قدم دلوقتي علي بطاقة الائتمان دلوقتي مع فايدتي من مكانك في دقايق.


 

4- تأجير العجل!

 

لو بتحب العجل في العموم، ممكن تستغل الموضوع ده وتفتح مشروع صغير لتأجير العجل وده هيبقى مناسب جدا لو اتعمل في المدن السياحية، زي اسكندرية، المعمورة مثلاً، أو في دهب، هتكسب منه أضعاف اللى صرفته على المشروع لأن في سياح كتير وبيبقى ليهم تسعيرة مختلفة عن المصريين.
 

ابدأ مشروعك على الأقل بـ 10 عجلات، وممكن تقدم على قرض شخصي وتدفع أقساطه من أرباح المشروع.

قدم على القرض الشخصي دلوقتي مع فايدتي في دقايق أونلاين.

 

5-  حافظ على صحتك!
 

لو استخدمت العجلة في أغلب مشاويرك هتساعدك تحافظ على صحتك لأنها من أكتر الحاجات الصديقة للبيئة، وهتتجنب المواصلات اللى دايما بيطلع منها عوادم ودخان وممكن يأثروا على صحتك بالسلب.