ازاي تحسب الأقساط الشهرية لشقق الإسكان الاجتماعي؟

أتاحت وزارة الإسكان امبارح الأحد، 25 سبتمبر 2022، إمكانية سحب الكراسات وسداد مقدم جدية الحجز وكمان المصروفات الإدارية في مشروع "سكن لكل المصريين 3" بالنسبة لمنخفضي ومتوسطي الدخل.

وكراسات الشروط دي هتكون متوفرة في مكاتب البريد المميكن بالمدن وكمان المحافظات اللي فيها الوحدات، وفايدتي هتقولك في المقال دا معلومات أكتر عن طريقة التقديم ومميزات مشروع سكن لكل المصريين 3.

يعني ايه تمويل عقاري؟ اعرف أكتر من هنا: يعني إيه تمويل عقاري؟ ومكونات القرض العقاري

شروط مشروع سكن لكل المصريين 3 

كراسات شروط "سكن لكل المصريين 3"

كراسات الشروط وإمكانية سداد المقدمات هتكون متاحة لغاية 1 أكتوبر بالنسبة لذوي الاحتياجات الخاصة بس.

لكن في الفترة من 2 إلى 27 أكتوبر هتكون الكراسات متاحة لكل المواطنين بما فيهم كمان ذوي الاحتياجات الخاصة.

شروط التقديم لذوي الاحتياجات الخاصة

صندوق الإسكان الاجتماعي ودعم التمويل العقاري أعلن عن شروط التقديم لذوي الاحتياجات الخاصة في مشروع سكن لكل المصريين 3:

• تقديم المستند اللي بيدل على الإعاقة من المجالس الطبية المتخصصة.
• أو تقديم المستند من اللجنة الطبية العامة المعتمدة اللي تبع المواطن.
• لازم يكون المستند جديد وصادر في عام 2022.
• وكمان تجيب مستند الإعاقة مع المستندات الأساسية المرفوعة للحجز على الموقع الإلكتروني للمشروع ادخل عليه من هنا

ومتنساش الشروط اللي موجودة في كراسة الشروط وهتلاقيها هنا

:أسعار وحدات سكن لكل المصريين

- أسعار بيع الوحدات لمنخفضي الدخل بتبدأ من 194 لحد 310 آلاف جنيه، وبتبدأ قيمة مقدم الحجز ما بين 15 و22 ألف جنيه

- دفع مقدم بيبدأ من 10% لوحدات محدودي الدخل ومدتها بتوصل ل 30 سنة بسعر عائد 3% سنويًا متناقصة، وطبقًا للشروط التفصيلية لمبادرة البنك المركزي

- دفع مقدم بيبدأ من 15% لوحدات متوسطي الدخل، ومدتها بتوصل ل 30 سنة بسعر عائد 3% سنويًا متناقصة، وبيبدأ مقدم الحجز ما بين 15 و22 ألف جنيه.

:حساب الأقساط الشهرية لشقق الإسكان الاجتماعي

بيتم تسديد 15 ألف مقدم الحجز، فلو كانت الوحدة بـ 194 ألف هيتبقى 179 ألف جنيه، ووقت ماتيجي تستلم بيتم تسديد دفعة الاستلام واللي بتبقى قيمتها ـ3 ألف بشكل متوسط وممكن تزيد أو تقل على حسب حالة العميل واللي بتعتمد على السن والدخل الشهري.

وبكداه يتبقى من تمن الشقة 149 ألف جنيه وهيتم تقسيطهم على مدة التمويل اللي بتوصل لـ30 سنة بنظام التمويل العقاري بفائدة 3%.

لو كانت مدة التمويل 30 سنة هيكون القسط 624 جنيها كل شهر، ولو كانت مدة التمويل 20 سنة هيكون القسط 823 كل شهر.

كراسة شروط سكن لكل المصريين من هناpdf 

عدد من الفئات مش هيكون عندهم الفرصة في التقديم

• لو كان مرتب الفرد بيقل عن 1500 جنيه في الشهر.
• لو كان دخل الأعزب بيزيد عن 6000 جنيه والمتزوج بيزيد عن 8000 جنيه.
• وجود أي دعم قديم من الجهات اللي تبع الحكومة سواء كان عتدك أرض أو وحدة سكنية أو أي إسكان تعاوني.
• لو واخد أي قروض من بنوك أو لو لسا بتسدد قرض.
• المالك لأي سكن أو المالك لورث.
• عمر اللي بيقدم ميذدش عن 50 سنة وميقلش عن 21 سنة.
• لو مكان سكنه أو عمله مش نفس المكان اللي مطروح فيه الوحدات.

استخدم حاسبة التمويل العقاري الجديد مجانًا من هنا