ازاي تحضر مصاريفك بوجود طفل جديد في البيت؟

الحياة بعد الجواز بتختلف تماما وخصوصا لما يبقى معاك طفل، كل حاجة بتتحسب بطريقة مختلفة، عشان تقدر تلبي احتياجات إبنك. وبمناسبة يوم الطفل، 2 مايو، هنقولك على أهم 5 حاجات تعملها عشان توفر فلوسك وتقدر تصرف على إبنك.

1- خد قرض لمصاريف الولادة

قبل الطفل مايوصل البيت، حضر نفسك لمصاريف الولادة اللي بترواح في الولادة الطبيعية من 2500 لـ 10,000 جنيه على حسب نوع المستشفى، وفي الولادة القيصرية بتتراوح ما بين 5000 لـ 17,000 جنيه، فلو المبلغ ده مش معاك هتحتاج تقدم على قرض شخصي قبل الولادة بفترة عشان تصرف منه.

قدم على القرض الشخصي اللي محتاجه دلوقتى مع فايدتي في دقايق من مكانك.

2- احسب تكاليفك اليومية!

لازم تعمل ميزانية شهرية تحدد فيها أولوياتك وتعرف هتصرف ايه وامتى وفين؟ وفي أكتر من طريقة ممكن تتبعها لتظبيط ميزانيتك زي طريقة 50 30 20، اللي بتقسم بيها داخلك عشان تقدر تدفع اللي وراك وتقدر تحوش كمان.

ممكن تعرف أكتر عن تقسيم الميزانية من هنا، إيه هي طريقة 50 30 20 اللي بتقسم بيها المرتب؟

احسب تكاليفك اليومية واعمل ميزانية شهرية  عشان تعرف تلبي احتياجات ابنك

3- قدم على كريدت كارد!  

كل حاجة ممكن تحصل فجأة مع طفل في البيت، محتاج دكتور، أو دواء، أو ….إلخ، فأمن نفسك ببطاقة ائتمان جاهزة دايما بدل ا الكاش يعطلك، وابقي سدد على راحتك في فترة السماح.

قدم على الكريدت كارد دلوقتي في دقايق من مكانك مع فايدتي.

4- شهادة استثمار!

بالرغم من أن التحويش في وجود طفل صعب، بس لما تقسم ميزانيتك صح ممكن يطلعلك مبلغ بسيط، حوشه لغاية متقدر تفتح بيه شهادة استثمار في البنك تطلعلك فوايد تقدر تتسند عليها، وممكن كمان تفتح شهادة تراكمية بأسم إبنك بمدة طويلة شوية، 10 سنين مثلاً، يبقي يستفاد منها لما يكبر.

لو عايز تعرف أكتر عن الشهادات التراكمية ممكن تقرأ هنا، إيه هي شهادة الاستثمار التراكمية؟

أما لو عايز تشتري شهادة فـ تقدر تقارن بين شهادات الاستثمار في البنوك المختلفة على موقع فايدتي.

5- قرض المدارس!

لو ابنك قرب على سن دخول المدرسة وملحقتش تحوش مصاريف المدرسة، ممكن تقدم على قرض المدارس، وده نوع من أنواع القروض الشخصية اللي ممكن يوصل لتغطية 100% من مصاريف الدراسة.