ازاي تختار البنك اللي هتاخد منه قرض؟

البنوك أنواعها كتير و القروض فيها بتختلف وكمان أسعار الفايدة بتختلف وأوقات ممكن يكون الفرق كبير، طب ازاي تختار البنك المناسب ليك عشان تاخد منه قرض؟

1- اسأل البنك اللي بيتحول عليه مرتبك:

لو مرتبك بيتحول على بنك معين اسأل لو شركتك/ مكان شغلك ليهم فايدة مخصوص، وده هيوفر عليك كتير فى الإجراءات لأنهم عارفينك  ومش هيطلبوا منك أوراق كتير.

2- دور على البنوك اللي عامله قروض مخصوصة لوظيفتك:

لو انت دكتور، مهندس أو صاحب أي عمل مهني فـ هتلاقي بنوك عندها قروض مخصوصة ليك بفايدة أقل أو بأنظمة سداد مختلفة أو ممكن تبقى من غير مصاريف ادارية مثلاً وكل ده أكيد في مصلحتك.

3- قارن بين الأوراق المطلوبة:

كل بنك بيطلب أوراق مختلفة عن التاني وده اكيد هيأثر على قرارك، وعشان كده شوف البنك اللي بيطلب أوراق معاك معظمها على الأقل أو مش هيخليك تلف كتير، وأسهل طريقة تقارن بيها انك تشوف تفاصيل كل قرض و الأوراق المطلوبة فيه على الويب سايت بتاعنا.

دخل بياناتك ودور على اللي محتاجه عندنا فى فايدتي عشان تسهل على نفسك.

4-قارن بين أسعار الفايدة:

اسعار الفايدة بتتغير كل شوية، وهنا يجي دور فايدتي اللي هتعملك مقارنة بكل أسعار الفوايد في البنوك المختلفة بعد تغييرها. 

5-المصاريف الإدارية:

نسبة المصاريف الإدارية مش كبيرة بس بتتخصم من مبلغ القرض اللي هتاخده وهتأثر معاك لو هتاخد مبلغ كبير. فـ خلي بالك منها كويس واختار البنك اللي نسبة المصاريف الادارية فيه مش عالية اوي، عشان كده محتاج تعمل مقارنة للمصاريف دي وأنت بتختار القرض على فايدتي.

6- مكان الفرع:

اكيد البنك اللي فروعه متوفرة حواليك وجنب بيتك أو مكان شغلك هيوفر عليك وقت انك تروح اي بنك تاني بعيد أو طريقه صعب.

اختصر علي نفسك المشاوير واقدم دلوقتي على القرض الشخصي على فايدتي. دخل بياناتك ودور على اللي محتاجه عندنا وقدم في دقايق من مكانك.

أما لو عايز تأخد قرض عربيات هتقدر تقارن ما بين البنوك المختلفة عندنا من هنا، وقريب هتقدر تقدم كمان.