ازاي تدخل جمعية من غير ما يتنصب عليك؟

تاريخ النشر: في نصايح ببلاش

ازاي تدخل جمعية من غير ما يتنصب عليك؟

هتدخل جمعية ومش هتكون الأخير

مفيش حد مننا معداش عليه شخص وهو قاعد في أمان الله وقاله "تدخل جمعية؟" ويعرض عليك في الأغلب تبقى الأخير أو قبل الأخير، انا عن نفسي مكنتش بفهم ايه هو نظام الجمعية أصلاً، يعني هستفيد ايه؟ وبصراحة اتصدمت في الآخر ان الفلوس اللي دفعتها هي هي اللي هقبضها من غير اي فايدة عليها ولا حاجة. 

وبعدين فهمت في الاخر ان الجمعية هي بديل للتحويش لو انت مبتعرفش تلتزم بمبلغ ثابت عشان تحوشه فـ الجمعية هتخليك ملتزم معاها بمبلغ ثابت تدفعه كل شهر، أما لو هتقبض في الأول وتشتري بالفلوس حاجة فـ الموضوع هيبقى زي ماتكون بتشتري حاجة بالتقسيط بس من غير فوايد وعلى مدة كبيرة، والموضوع طلع منتشر في أكتر من 90 بلد منهم أمريكا وفرنسا والهند ومش فى مصر بس. 

 

-مشاكل الجمعية: 

 

ناس كتير بتبعد عن الجمعية بسبب ان ليهم تجربة مش ناجحة، زي مثلاًً

 

  • فى ناس مبتلتزمش بالدفع في الميعاد

 

  • لما بيبقى فى لخبطة الأدوار

 

  • جملة "خليها عليك الشهر ده"

 

  • في ناس بتمشي في نص المدة

 

  • الشخص اللي بيحصل الفلوس من الناس مش موجود طول الوقت

 

  • أهم مشكلة ان لازم الفلوس تكون كاش 

 

الجمعية هي بديل للتحويش لو انت مبتعرفش تلتزم بمبلغ ثابت عشان تحوشه فـ الجمعية هتخليك ملتزم معاها بمبلغ ثابت تدفعه كل شهر.

 

طيب والحل؟ 

 

- الجمعيات الأونلاين

 

دلوقتي طلع أكتر من ابلكيشن على الموبايل تقدر تستخدمهم عشان تعمل جمعية وليها مميزات كتير زي

 

  • انت مش محتاج تعرف الناس اللي جوه ولا تكون ضامنهم لأن الأبلكيشن ضامنهملك

 

  • كله بنظام محدد وكل واحد عارف هيقبض امتى

 

  • الفلوس هتتسحب تلقائياً من حسابك البنكي في المعاد المحدد من غير أي مشاكل

 

  • هتقبض فلوسك في ميعادها بجد من غير تأجيل ولا تأخير

 

  • مش هيتنصب عليك

 

  • مفيش "بلاش انت الشهر ده" ولا "خليك للشهر الجاي"

 

  • مفيش حد هيدخل جمعية أكبر من مُرتبه

 

ازاي اقدر اشترك؟

 

اول حاجة تختار ابلكيشن من دول

 

 

 

 

تاني حاجة هتسجل بياناتك وتربط الأبلكيشن بحساب الفيسبوك بتاعك عشان يتأكدوا من هويتك وبعدين هيطلب منك تدخل بيانات حسابك البنكي أو تبعتلهم خطاب بمفردات مرتبك من جهة العمل وبس كده ومبروك عليك الجمعية.