ازاي تستغل الـ Co-Working Spaces في شغلك؟

تاريخ النشر: في نصايح ببلاش

ازاي تستغل الـ Co-Working Spaces في شغلك؟

اعرف ازاي تستخدم الـ Co-Working Spaces في البيزنس بتاعك؟

مين فينا مش بيحلم يفتح المشروع أو البيزنس الخاص بيه ويبقى مستقل بنفسه، أو حتى يشتغل فريلانس!  بس للأسف مش بتلاقي مكان مناسب تشتغل وتبدع فيه مع التيم بتاعك. وعشان الـ Co-Working Spaces مهمة، بدأت الناس تهتم أكتر وتحتفل باليوم العالمي للـ Co-Working Day.

 

 وهنقولك 5 مميزات عشان تأجر مكان في Co-working Space وتفتح مشروعك أو تشتغل فيه بأقل تكلفة.

 

 

1- اتواصل مع غيرك!

 

لما تشتغل في مكان ويبقى حواليك ناس بيشتغلوا في مجالات مختلفة ده هيعرفك كل الـ Updates اللى بتحصل في السوق بشكل مستمر، وكمان هيكون عندك Connections هتساعدك تكبر وتوصل شغلك لأكبر عدد من الناس.


 

2- الإنتاجية هتزيد!

 

لما تشتغل مع فريقك في مكان واحد ده هيساعدك تفهم دماغ كل واحد فيهم، بدل ما تكونوا طول الوقت في اجتماعات أونلاين بس. والـ Co-working Space برضو مكان مناسب عشان تعمل اجتماعات مع عملاء لو طبيعة شغلك بتطلب ده.


 

3- شغلك أولا!

 

لما تأجر مكان في Co-working Space ده هيساعدك تركز أكتر في شغلك وتبدع فيه، فـ متشغلش بالك بـ أي حاجة زي النت، والمكاتب، والأدوات لان الحاجات دي كلها هتبقى موجوده، ومش هيبقى ناقص غير انك تجيب حاجتك الشخصية اللي محتاجها في مكتبك.

 

 

الـ Co-Working Spaces مش بتفرض أي شروط جزائية لو حبيت تلغي عقد ايجار مكتب فيه وده بيخلي فيه مرونة أكتر في التعامل


 

4-  تكلفة أقل!

 

تكلفة إيجار مكان في Co-working Space ارخص بكتير لما تشتري أو تأجر مكتب في أي منطقة وخاصة لو بتشتغل فريلانس فـ مش محتاج مكان كبير تشتغل فيه، والإيجار بيكون شامل كل حاجة زي تكلفة المكان نفسه، الكهرباء والغاز، والقهوة...إلخ!


 

5-  المرونة في التعامل!

 

الـ Co-working Spaces مش بتفرض أي شروط جزائية لو حبيت تلغي العقد ومش بتدفع ساعتها اي رسوم، وده هيساعدك لما تكبر في شغلك تروح مكان أحسن ومناسب مع عدد الموظفين اللى معاك.

 

لو لسه واقف في مرحلة التفكير في المشروع ممكن تأخد أفكار من هنا، ازاي تبقي صاحب Startup ناجحة: الفكرة!

 

ومن أشهر الـ Co-working Spaces  اللى موجودة في مصر واللي تقدر تأجر فيها مكان للـ Startup بتاعك:

 

 مكانك - Makanak Office Space

Room² Co-working Space

Villa 207 Co-working Space

Creativo Co-working Space

GSpace,ElGouna