ازاي تستفيد من عربيتك عشان تطلع دخل زيادة؟

مين فينا مش عايز يطلع له فلوس زيادة خصوصا لو من حاجة أصلا بتسحب منه فلوس كتير زي العربية، اللي بتحتاج بنزين وفلوس ركنة وتجديد رخصة واقساط وميكانيكي...إلخ. عشان كده جمعنا لكم 5 أفكار تطلع بيها فلوس بعربيتك فى وقت فراغك. 

محتاج تطلع دخل زيادة من عربيتك؟

1- حولها لأوبر أو كريم

شركات التاكسي الأونلاين المعروفة بـ أوبر وكريم تقريبا بقيت مسيطرة على السوق، فلو بدأت تشتغل مع واحدة من الشركتين أكيد هتستفيد كتير. ومش ضروري تتفرغ ليها، ممكن تأخد مشاوير فى نفس طريقك وأنت راجع من الشغل أو فى طريقك ليه كل يوم، وفى الاجازات.

2-أجر العربية

فى ناس بتحتاج تأجر عربية عشان عندهم مشوار مهم، أو سفرية سريعة، فممكن تأجر لهم عربيتك، بس ده طبعا ما تأخد ضماناتك.

أمن على عربيتك دلوقتي من هنا وقارن بين أفضل عروض التأمين على السيارات

3- كورسات السواقة

لو مقلق من تأجير العربية، ممكن تحاول تأجرها لشركات تعليم السواقة و أكيد هيبقوا أضمنلك، أو لو متمكن من السواقة ممكن تدي انت كورسات سواقة وتبتدي تروج لنفسك على السوشيال ميديا.

 

ممكن تعرض إعلانات علي عربيتك

4-اعرض الإعلانات

عارف الاعلانات اللي بتشوفها على الأتوبيسات؟! ممكن تعرض زيها علي عربيتك. ابدأ بعرض خدماتك فى شركات الدعاية أو عند مطعم من المعروفين باعلانتهم الكتيرة، ومع الوقت هتلاقي انك بتكسب من أي مشوار هتعمله.

5-وصل الطلبات/دليفري

مع زيادة الـ Online shopping  بقي في محلات أونلاين كتير وأصحاب براندات جديدة بيحتاجوا حد يوصل طلباتهم للزباين، وبما أن شركات التوصيل ليها أسعار ثابتة للمسافات، ممكن تستغل الموضوع ده وتوصل أنت فى يوم أجازتك أو بعد الشغل بأسعار أقل من المعروفة فى السوق.

أما لو لسه عايز تشتري عربية فتقدر تقارن بين قروض العربيات المختلفة علي فايدتي قبل ما تقدم في البنك، وقريب هتقدم علي موقعنا كمان.