ازاي تشحن رصيد فودافون من البيت من غير كارت شحن 2022؟

ازاي اقدر اشحن رصيد فودافون اونلاين و من غير ما اشتري كارت شحن؟ كمل قراية المقال دا علشان تعرف ايه هي الخطوات اللي هتساعدك تشحن رصيد فودافون بالفيزا من الموبايل. 

 تطبيق انا فودافون

أولا لازم يكون عندك تطبيق "انا فودافون" علشان تعرف تشحن رصيد بالفيزا

 و تطبيق "انا فودافون" بيسهل عليك إجراءات كتير متعلقة بخطك زي إنك مثلا ممكن من خلاله :

• تشترك في باقات النت اللي بتوفرها الشركة و كمان تحول بين الأنظمة
•  تقدر تجدد باقة النت 
•  تحول رصيد لرقم تاني
•  ممكن كمان تشترك في الخدمات اللي بتوفرها الشركة
•  تقدر تتجكم في حسابك على فودافون كاش. 

و كمان لو هايز تسحب فلوس ممكن تعرف ازاي اسحب فلوس من فودافون كاش Vodafone Cash؟

خطوات شحن الرصيد بالفيزا

تثبيت التطبيق

اول خطوة هتحتاج انك تنزل التطبيق على موبايلك، لو انت من مستخدمي اندرويد تقدر تنزله من هنا

و لو انت من مستخدمي الايفون تقدر تنزله من هنا

قبل ما تفتح التطبيق هتحتاج انك تستخدم ال Mobile Data مش الواي فاي، و أول ما تفتحه التطبيق هيدخلك على حسابك تلقائيا من غير ما تحتاج انك تسجل الدخول.

أول حاجة هتظهر ليك هي الواجهة الرئيسية للتطبيق و هتكون بالشكل دا 

هتضغط على كلمة " المزيد" ، هتفتحلك صفحة جديدة 

هتضغط شحن و متابعة رصيد

"هتكتب الرصيد اللي عايز تشحنه في خانة "المبلغ المدفوع" و قصادها هيظهر ليك الرصيد اللي هيوصلك بعد خصم الضريبة في خانة "الرصيد

"بعد كدا هتختار " إضافة بطاقة جديدة

• " و هتكتب رقم الفيزا في خانة " رقم الكارت
• و هتكتب الأرقام التلاتة اللي في ضهر الكارت في خانة “ CVV”
• "و هتختار " إضافة كارت
• هيتسحب من الكارت جنيه واحد و دا بس علشان التأكد من بيانات الكارت و هيترد تاني للكارت علطول
• و بعد كدا هتتبعتلك رسالة فيها رقم التأكيد و عملية تحويل الجنيه من الفيزا و هتكتب رقم التأكيد في خانة “Verification code”

اخر خطوة انك هتضغط على " اشحن دلوقتي" و هيتحولك الرصيد علطول.