أمن عربيتك!
أمن عربيتك!
أمن عربيتك!

أمن على عربيتك في دقايق واحصل على ارخص تأمين في مصر بالقسط اللي يريحك من هنا!

faydety-logo-text

ازاي تهرب من فخ الربح السريع، ودي أشهر طرق النصب على النت!

تاريخ النشر: 10 يناير 2022

نصايح ببلاش

ازاي تهرب من فخ الربح السريع، ودي أشهر طرق النصب على النت!

مش عيب إنك تستعين بخبرات حد أشطر منك في المجال اللي داخله علشان ما يتضحكش عليك

تشغيل الدماغ علشان تحقق مكسب سريع ده بيكون عبارة عن فخ كبير جدًا وبيدمرك كليًا، ولو أنت الضحية فبيكون تحت عنوان "الطموح القاتل".

خلي بالك من الوقوع في عمليات نصب واحتيال على النت مثلًا ودي ما أكثرها لأن اللي بيقود الموضوع دا بيشتغل على فكرة حب الناس لتحقيق ثروة في أسرع وقت ممكن.

 

اوعى تقع في الفخ!

 

أشهر نصباية ممكن تتعرض ليها لما يبقى معاك فلوس وحد ييجي يقولك تعالى اشغلها لك ويعملك البحر طحينة وفي النهاية تكتشف انه بيستخدم فلوسك في فهلوة ونصب، بننصحك تخلي بالك كويس من الوقوع في الفخ ده عن طريق:

 

·       فهم كل كبيرة وصغيرة عن المشروع، وما تتكسفش إنك تسأل.

·       خط سير العمل والجدول الزمني.

·       دراسة الجدوى لازم تكون واضحة ومفهومة واللي عملها حد خبير.

·       مش عيب إنك تستعين بخبرات حد أشطر منك في المجال اللي داخله علشان ما يتضحكش عليك.

·       لازم الأمور المالية كلها من البداية للنهاية تكون واضحة مفيش فيها أي حاجة مستخبية.

 

ايه هي أشهر طرق النصب على النت؟

 

هتضيع وقتك في شوية حاجات وهيكون في وعود إنك تحقق مكسب سريع لكن في النهاية مش هتحقق حاجة خالص وممكن تدخل في دايرة نصب كبيرة هتخسرك ناس كتير وفلوس كمان.

 

1-   مشروع الاحتيال الهرمي "التسويق الشبكي"/QNet

 

واللي فيه بتعرف كتير من أفكار خداع بالحصول على عائد سريع من خلال استثمار أقل، وهتبدأ بمبلغ صغير لكن هتجيب ناس كتير معاك والموضوع هيوسع منك، في الأول هتحقق أرباح لكن بعد كدا هتكتشف إن الموضوع كله نصب.

 

2-   دوس على الإعلانات

 

مواقع إلكترونية كتير على النت بتطلب من الزوار المهتمين بتحقيق ربح سريع إنهم يضغطوا على إعلانات معينة مقابل فلوس لكن خلي بالك!

الإعلان الواحد بيدفع جزء صغير جدًا من عملة ضعيفة، وعلشان تحقق مكسب كبير لازم تضغط على إعلانات كتير جدًا جدًا، وفي الحقيقة الإعلانات بتكون قليلة ولازم تفهم إنك في اليوم الواحد هتشوف عدد قليل.

 

3-   جاوب على أبحاث أو استطلاعات رأي

 

نفس فكرة الإعلانات هيتطلب منك تشارك في استطلاعات رأي كتير وكمان أبحاث، ولكن في غالب الأمر بتكون الحاجات دي مليانة أمور مزيفة ومفيش حد بيحقق أرباح منها مهما قضيت ساعات يوميًا فيها.

 

لو عايز نصايح حقيقة عن الاستثمار ممكن تقرأ هنا، أهم 5 نصايح عن الاستثمار من رجل الأعمال وارن بافت

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع