البلاك فرايداي على الأبواب، ناوي تشتري منين وازاي؟

تاريخ النشر: في نصايح ببلاش

البلاك فرايداي على الأبواب، ناوي تشتري منين وازاي؟

اشتري كل اللي نفسك فيه

أكيد سمعت عن البلاك فرايداي لأنه أشهر يوم للشوبينج فى السنة بيكون فيه تخفيضات على مستوى العالم وعلى كل المنتجات، معاده هو آخر جمعة من شهر نوفمبر، واللي هتوافق 26 نوفمبر السنة دى، وفى مواقع شوبينج كتير زي جوميا و فاليو وامازون بيبتدوا الخصومات من أول الشهر، وفي مواقع تانية بتكتفي بالعروض فى اخر اسبوع من نوفمبر. 

 

اشتري ايه في البلاك فرايداي؟

 

اعلانات الخصومات ابتدأت تملأ الشوارع والتلفزيون والراديو والانترنت طبعا ودى دليل أنك هتقدر تشتري كل حاجة حرفيا فى البلاك فرايداي، من ملابس وادوات كهربائية وأثاث وكمان اكل عشان فى بعض السوبر ماركات الكبيرة بتشارك فيه بخصومات على كل منتجاتها. فلو بتجهز بيتك الجديد أو عندك اطفال محتاجين حاجات كتير، أو حتى لو صاحب شركة ومكتبك محتاج أدوات وآلات كهربائية غالية، دي فرصتك عشان تجيب كل اللي محتاجه بأرخص الأسعار. الحلو كمان فى الفترة دى انه مش مقتصر على الشراء أونلاين أو فى المحلات لأنه موجود فى كل مكان، وإن كان يفضل فى الظروف اللي العالم كله فيها انك تتجنب النزول فى الأماكن الزحمة، وتلجأ للأونلاين، وده هتلاقيه متوفر بسهولة مع أشهر مواقع الشوبينج زي امازون Amazon, جوميا Jumia، ونون Noon، و كارفور Carrefour، ولاكي Lucky، ومواقع تانية كتير. 

 

قارن ما بين بطاقات الائتمان المختلفة على موقع فايدتي قبل ما تقدم!

 

معيش سيولة، الوايت فرايداي هايفوتني!

 

فى كتير مننا بينسوا ميعاد الوايت فرايداي و بيصرفوا المرتب قبل الخصومات خصوصا انه اخر الشهر، أو بيكون عندهم التزامات تانية محتاجة سيولة، بس كل ده ميمنعكش من الشراء في البلاك فرايداي لأنك تقدر بسهولة تطلع كريديت كارد/ Credit Card وتستخدمها مع العروض اللي عجباك، وميزته أنك هتقدر تستخدمه مع الشوبينج أونلاين وفى المحلات كمان، ده غير ان فى بنوك بتدي عروض على بطاقة الائتمان بخصومات هتقدر تستفيد منها مجرد ما الكارت يبقى فى إيدك، وكمان هيسهل عليك الدفع الإلكتروني ومش هتضطر تلمس الكاش اللي بيتنقل من إيد لإيد.

 

إيه هو الكريديت كارد/Credit Card؟

 

الـ Credit Card  أو فيزا المشتريات هى كروت مش مرتبطة بحساب بنكي معين، بتقدر تسحب منها أي مبلغ لدفع حسابك وبيتحول لدين عليك بتسدده خلال فترة معينة بتختلف من بنك للتاني، ودي اسمها فترة السماح وبتبقي مابين 45 يوم لـ 58 يوم، وبيطلع لك فوايد على المبلغ اللي استلفته بس فى حالة انك اتاخرت فى السداد فى فترة السماح. ميزته انك بتقدر تتعامل بيه في أي مكان فيه ماكنة دفع POS وكمان بتقدر تحاسب بيه أونلاين وتستخدمه فى المعاملات المالية جوا وبره مصر.

 

قارن ما بين بطاقات الائتمان المختلفة على موقع فايدتي قبل ما تقدم!