فايدتي هتعرفك ازاى تستخدم امكانياتك في 4 طرق بسيطة | فايدتي

فايدتي هتعرفك ازاى تستخدم امكانياتك في 4 طرق بسيطة

تاريخ النشر: في نصايح ببلاش

فايدتي هتعرفك ازاى تستخدم امكانياتك في 4 طرق بسيطة

كلنا عندنا إمكنيات كتير لكن ازاى نستفاد منها

أكيد كل واحد بيجي عليه وقت ويحس إن حياته ناقصة حاجة معينة وخصوصاً في الأمور المالية، ولكن في أغلب الأحيان الواحد بيبقى فايته إنه ممكن يستفيد من أي موقف ويوصل لأفضل حاجة متاحة بإمكانياته.

 

1. حدد أهدافك

 

سواء كانت أهداف مالية أو أهداف عامة، لو أنت عايز توصل لمكان معين في حياتك أو قدرة مالية محددة، لازم تحدد أهدافك، وحتى لو ما مش عندك التفاصيل الكاملة للحاجة، كفاية إنك تقنع نفسك ودماغك إن دي هي الحاجة اللي أنت عايزها، وبعد كدة كل ما تقرب منها أكتر، كل ما الموضوع هيبان أكتر.

 

2. اتعلم إنك تقيم مخاطر أي خطة

 

لو أنت عندك خطة عايز تنفذها، سواء كانت حاجة في شغلك أو في حياتك اليومية، أفضل لك إنك تحدد المخاطر المتوقعة من الخطة دي وإيه اللي ممكن يحصل غلط، وكمان تشوف مميزاتها وعيوبها، ممكن التقييم ده يخليك تصرف نظر عن الموضوع، أو ممكن يشجعك إنك تنفذ الخطة، ولكن في أي وضع الموضوع بيبقى مفيد عشان تكون مستعد لإي نتيجة، سواء إيجابية أو سلبية.

 

خطط للمستقبل امسك ورقة وقلم، واكتب كل حاجة أنت عايز تحققها في المستقبل، في الأول، اكتب أي حاجة تخطر على بالك، وبعد كدة راجع اللي أنت كتبته، شوف إيه اللي ممكن تحققه في المستقبل القريب، وإيه اللي ممكن يحتاج وقت أطول، اكتب حاجات سهلة في الأول، وبعد كدة اشطبها كل ما تحققها، ده هيديك دفعة للأمام وثقة في نفسك.

 

3. تعايش مع وضعك الحالي

 

ممكن يكون وضعك الحالي مش مرضي، فممكن تكون مش حابب شغلك أو مستواك المالي، بس ده مش معناه إنك تكره حياتك، بالعكس، لو أنت حاولت إنك تتقبل الوضع اللي أنت فيه، وتعرف إنه وضع مؤقت لغاية ما تلاقي الحاجة اللي أنت فعلاً عايزها، هتلاقي إن الموضوع بقى أسهل، وده هيمكنك من إنك تستفيد من وضعك الحالي، فممكن مثلاً تحاول تطور من شغلك وده هيجبلك فرص أكبر، وهكذا. أهم حاجة هو تغيير طريقة تفكيرك، وهتلاقي إنك قادر على تغيير وضعك بشكل أفضل وأسهل.

 

4. خطط للمستقبل

 

امسك ورقة وقلم، واكتب كل حاجة أنت عايز تحققها في المستقبل، في الأول، اكتب أي حاجة تخطر على بالك، وبعد كدة راجع اللي أنت كتبته، شوف إيه اللي ممكن تحققه في المستقبل القريب، وإيه اللي ممكن يحتاج وقت أطول، اكتب حاجات سهلة في الأول، وبعد كدة اشطبها كل ما تحققها، ده هيديك دفعة للأمام وثقة في نفسك.