فين تلاقي تمويل لو عندك مشروع صغير وعايز تكبره!

انك تبدأ مشروعك الخاص بيك خطوة مهمة جداً في مشوارك المالي والعملي، عشان هيفتحلك ابواب كتير على عكس الوظيفة، وزي ما هتشوف الموضوع سهل ومفيش حد هيكون مدير عليك وهتكون حر، كمان هيكون عليك مسؤوليات تانية أكبر لأنك صاحب الشغل وأكيد نفسك يكبر عشان تكبر معاه.

بس اوقات التقصير ممكن يبقى مش منك أو من الموظفين بس الفلوس مش مكفيه انك تكبر مشروعك، وساعتها الحل الأفضل هنا هيكون انك تطلب تمويل سواء من البنك أو من شركة تمويل مشروعات، فـ ياترى ايه الانسب ليك؟

البنك: 

البنك حل مناسب جداً لو مشروعك بقاله كتير عشان أوراقه هتكون موجوده أو سهل تحصل عليها، وكمان سعر الفايدة في البنك هتكون أقل بالمقارنة بشركات التمويل، ومن أهم الأوراق اللي معظم البنوك بتطلبها:

• بطاقة الرقم القومي
• بطاقة ضريبية
• سجل تجارى
• إيصال مرافق صادر خلال اخر 3 شهور
• عقد ملكية أو ايجار مقر المشروع 

شركات التمويل هدفها الرئيسي هو التنمية والتطوير، عشان انت لما تكبر مشروعك انت هتستفيد وكمان هتوفر فرص عمل أكتر ف البلد هتستفيد

شركات التمويل:
 

في حالة شركات التمويل فـ أهم حاجة إن مشروعك يكون قائم بقاله مدة لا تقل عن 6 شهور، وموجود فرع لشركة التمويل في المدينة اللي فيها المشروع.

والأوراق المطلوبة بتكون:

• بطاقة الرقم القومي 
• 2 ضامن 
• سجل تجاري وبطاقة ضريبية (في حالة المبالغ الكبيرة)

 والحد الأقصى لمدة التمويل هي سنتين.

وبعد التقديم بيتم الاستعلام عن تاريخك الائتماني/ الـ I-Score، وبينزل مندوب المعاينة عشان يعاين مكان السكن ومحل العمل.
 

لو محتاج تمول مشروعك الصغير، ابعتلنا رقم تليفونك ونشاطك ومحافظتك، على زرار الواتس اب من الويب سايت، أو على الماسنجر وحد من فريق فايدتي هيتواصل معاك فى اقرب وقت.

طيب ممكن شركات التمويل تمولني اجيب بيت جديد؟

شركات التمويل هدفها الرئيسي هو التنمية والتطوير، عشان انت لما تكبر مشروعك انت هتستفيد وكمان هتوفر فرص عمل أكتر ف البلد هتستفيد، فـ لازم كل تمويلاتها يكون ليها جانب تنموي أو هيتحقق عائد على البلد من التمويل ده، وبكده ماينفعش لشركات التمويل تمول شراء أي حاجة مش خاصة بالمشاريع.