ليه تستلف من صحابك لما ممكن تستلف من البنك؟

ليه ممكن تتداين من صحابك وأهلك وتعرض نفسك أنك كل الناس تقول رأيها فى الحاجة اللي أنت عايز تعملها ومحتاج لها فلوس كتير، وتضطر كمان تسمع لهم وتعمل نفسك مقتنع عشان بس هيسلفوك لما ممكن تستلف من البنك وتكون مسؤول بشكل كلي عن قراراتك.

البنوك بتقدم أكتر من منتج بنكي مختلف بيسلفوك بشروط محددة على حسب الحاجة اللي محتاج لها. الفلوس وأنظمة السداد بتختلف من بنك لبنك وعلى حسب نوع المنتج كمان وده بيخليك تختار براحتك.

المنتجات البنكية اللي بتسلفك فلوس هي:

الكريديت كارد:

الكريديت كارد هى كروت مش مرتبطة بحساب بنكي معين، بتقدر تسحب منها أي مبلغ لدفع مصاريفك وبيتحول لدين عليك مع فوايد على المبلغ اللي استلفته، واللي بتسدده خلال فترة معينة بتختلف من بنك للتاني، ما بين ٤٥ يوم ل ٥٨ يوم. مميزاتها انك ممكن تستخدمها فى تعاملاتك على الإنترنت، ده غير إن فى بنوك بتدي عليها خصومات فى حالة انك اشتريت من محلات معينة بيكونوا متعاقدين معاهم.

 و أحسن كريديت كارد فى مصر من ناحية طول فترة السداد موجود فى ٤ بنوك بتوصل الفترة فيها ل ٥٨ يوم ، هما بنك SAIB وبنك الاستثمار العربي، وميد بنك، والبنك الأهلي المتحد، كمان فى ٦ بنوك فترة السداد فيها بتوصل ل ٥٧ يوم، هما البنك الأهلي وبنك مصر، وبنك QNB الأهلي، وبنك قناة السويس والبنك العربي، وبنك الإمارات دبي الوطني. وتقدر تقارن بين البطاقات الائتمان المختلفة قبل ماتختار اللي هتقدم عليه على فايدتي.

قدم على كريدت كارد من فايدتي في دقايق وببلاش

-القروض:

فى انواع كتيرة من القروض بتختلف على حسب الحاجة اللي محتاج تستلف علشانها واللي بيتحدد على أساسها الضمان بتاع القرض، من أشهر الأنواع دي: 

1- القرض الشخصي:

القرض الشخصي هو وسيلة لتمويل حاجة خاصة زي مثلاً سفرية أو مولود جديد أو جواز، وهكذا... طبعاً القرض معناه إنك هيبقى عليك قسط شهري بفايدة معينة حسب كل بنك ومبلغ القرض. البنك بيحدد إمكانية تمويل القرض الشخصي على أساس المرتب، السجل المالي للمتقدم وإمكانية المتقدم على سداد القرض. ميزة القرض الشخصي انه مش بيحتاج ضمان بعكس باقي القروض، وتقدر تعرف اي بنك انسب لك لو دخلت على حاسبة القروض الشخصية على الويب سايت بتاعنا.

 أحسن كريديت كارد فى مصر من ناحية طول فترة السداد موجود فى ٤ بنوك بتوصل الفترة فيها ل ٥٨ يوم 

2-قرض السيارات:

قرض عربية معناه إنك بتاخد تمويل من البنك لتسهيل سداد قيمة عربية جديدة أو مستعملة حسب خطط التمويل المتاحة من البنك، الضمان بيبقى العربية اللي هتشتريها. عادة خطة السداد بتبقى في صورة أقساط شهرية زائد نسبة الفايدة حسب الخطة المتفق عليها، وتقدر تحسب إذا كنت تقدر تاخد القرض ولا لأ من حاسبة قروض السيارات على موقعنا.

3- التمويل العقاري:

التمويل العقاري أو قرض المنازل هو قرض بتاخده من بنك أو مؤسسة ائتمانية بهدف شراء عقار ما، وبيبقى العقار ده هو الضامن للقرض، وفي بعض الأحيان التمويل العقاري بيبقى متاح من شركة العقارات نفسها وبشروط معينة. دخل بياناتك بسهولة على حاسبة قرض المنازل على فايدتي علشان تعرف إذا كنت تقدر تأخد التمويل العقاري وأنسب بنك لامكانياتك.