أمن عربيتك!
أمن عربيتك!
أمن عربيتك!

عايز وسيط تأمين ببلاش؟ ادخل هنا واختار التأمين المناسب ليك بأكتر من طريقة تقسيط وسيب الباقي علينا.

faydety-logo-text

محتاج قرض عربية ؟

تاريخ النشر: 11 نوفمبر 2020

نصايح ببلاش

محتاج قرض عربية ؟

لو عايز قرض عربيةهتحتاج تعرف مصاريفه كلها

قرض العربية هو نوع من القروض اللي بيقدمها البنوك للأفراد وبيكون القرض بضمان العربية اللي ناوي تشتريها، وتتراوح مدة قروض العربيات من سنة لـ ٧ سنين.

 

أيه الفرق بين القروض، الشخصية والمنازل والعربيات؟

 

الفرق هو أن القرض الشخصي مش بيكون بضمان أصول (الضمان الوحيد هو المرتب)، وقرض المنزل بيكون بضمان المنزل اللي اشتريته ومدة القرض بتوصل لـ20 سنة، أما قروض العربيات فـ بيكون بضمان العربية وما ينفعش تبيعها أو تجدد رخصتها من غير موافقة البنك.

 

ايه المطلوب عشان تقدم على قرض العربية ؟

 

لازم يكون عندك:

-ملف ائتماني إيجابي (i-score)

-حد الاقتراض الشخصي متوازن، بمعنى أن القرض اللي عايز تاخده زائد باقي التزاماتك البنكية لازم مايعديش ٥٠% من صافي دخلك.

 

ايه هي الاوراق المطلوبة للتقديم؟

 

الأوراق المطلوبة للتقديم على قرض سيارة بتعتمد على نوع وظيفتك والبنك اللي هيديك القرض، وبتختلف من بنك لبنك عشان كده بنستخدم حاسبة قرض العربية، ودول الأوراق اللي بتكون دايما مطلوبة في كل البنوك:

-عام (للكل)

-بطاقة الرقم القومي أو جواز سفر

-إثبات للعنوان (إيصال مرافق)

-كشف حساب بنكي مختوم عن الفترة من ٣ لـ١٢ شهر (بتعتمد على البنك اللي بيقدم القرض)

 

-للموظفين:

-خطاب مفردات مرتب من الشركة (موضح به تاريخ التوظيف, صافى الراتب والمنصب)

 

-لأصحاب الأعمال المهنية:

-كارنيه نقابه 

-شهاده مزاوله المهنه (اذا توفر)

-بطاقة ضريبية

 

-لأصحاب الأعمال الحرة:

-سجل تجارى

-بطاقة ضريبية

 

-اوراق العربية :

 

-العربيات الجديدة:

-عرض سعر من المعرض

-العربيات المستعمله:

-شهادة من توكيل معتمد بحالة العربية وسعر السوق.

-صورة من تسجيل العربية .

 

فى العموم البنوك بتديك تمويل مابين ٢٠ ألف لمليون ونص جنيه، مع أقل حد أدني للدخل الصافي هو ١٠٠٠ جنيه

 

تكاليف قرض العربية :

 

فى خمس حاجات لازم تعمل حسابهم و انت بتحسب تكاليف قرض السيارة:

 

1-سعر الفايدة: معدل الفايدة هو العامل الرئيسى لما تيجى تاخد قرض عربية وهو ده المبلغ اللى هتتحاسب عليه طول مدة القرض، معدلات الفايدة ليها شكلين بس هما الاتنين بيمثلوا نفس الحاجة:

 

-الفايدة المتناقصة: في سعر الفايدة ده بتتحاسب بس على المبلغ المتبقي من القرض خلال اى فترة زمنية.

-الفايدة الثابتة: المعدل ده بيمثل شكل تانى من الفايدة، والفايدة هنا بتتحسب على مبلغ القرض بالكامل.

 

2-المصاريف الادارية: هى مصاريف ثابتة بتدفعها في بداية القرض مرة واحدة، و بتتخصم من القرض اللى انت مستلفه و بتكون فى حدود من 1% الى 4% و طبعاً بتختلف من بنك لبنك 

 

3-رسوم ضريبية: البنك المركزى المصرى بيحسب عليك ٠.٠٥% لكل ربع سنة على المبلغ المتبقي من القرض (المديونية اللى عليك)، وده رقم ثابت بين كل البنوك.

 

4-تأمين على العربية: كل البنوك بتطلب ان العربية تكون متأمن عليها ضد الحوادث، والسرقة أو الضرر بشكل عام، وتكاليف التأمين تتراوح بين ٢% لـ ٤% من قيمة العربية فى السنة، وفى بعض البنوك بتسمحلك تختار شركة التأمين اللى انت عايزها على عكس باقى البنوك اللى بيحددوا شركه معينه.

 

5-المقدم: هي ما تعتبرش مصاريف عليك، هي النسبة من ثمن السيارة اللي تقدر تدفعه كمقدم وده ممكن يأثر في: 

 

-عدد البنوك اللي ممكن تقبل القرض

-اسعار الفايدة (وممكن تختلف في نفس البنك حسب المقدم اللي هتدفعه)

-حالة العربية 

-وتتراوح نسبة المقدم من ٠%(بنوك قليلة جدا اللي ممكن تقبل ده) لغاية أي رقم تقدر تدفعه.

-خليك متأكد انك عارف الفرق بين المقدم و سعر الفايدة عشان تقدر توصل لانسب قرض ليك.



 

هو انا اقدر اشترى اى عربية؟

 

ده كمان يعتمد على البنك، فى 3 حاجات مهمين خد بالك منهم :

 

1-جديده ولا مستعمله : معظم البنوك بتمول السيارات الجديده بس بعض البنوك بتمول العربيات المستعملة كمان، الخطوات والأوراق والاسعار بتختلف من واحد للتانى.

2-نوع العربية : دي مشكلة في بعض البنوك انهم مابيقبلوش تمويل العربيات الصينيه بشكل خاص وانواع تانية كمان بيميلوا لتجنبها، وده بيعكس وجهة نظر البنوك على العمر الافتراضي للعربية وقيمتها بعد البيع.

3-ملاكي ولا أجرة: دي كمان مشكله فى بعض البنوك انهم بيسمحوا بترخيص العربيات الأجرة على عكس باقي البنوك (ده بس بالنسبة لتمويل العربيات الشخصية ومش للعربيات اللي تبع شركات).

 

فى شوية اختلافات بين قروض العربيات وبين البنوك غير سعر الفايدة، وتقدر بسهولة تعرف انسب قرض ليك من خلال حاسبة قروض العربيات على فايدتي. وفى العموم البنوك بتديك تمويل مابين ٢٠ ألف لمليون ونص جنيه، مع أقل حد أدني للدخل الصافي هو ١٠٠٠ جنيه، وطبعا لازم تحول مرتبك على البنك اللي هتأخد منه القرض، وبعد ما تختار البنك هتقدر تقدم بسهولة من خلال زيارة واحد من فروع البنك أو اتصالك بخدمة العملاء بتاعهم.



 

اختيار المحررين

faydety logo text
google
apple
linkedin
instagram
youtube
twitter
facebook

منتجات بنكية

قروض شخصية

قروض سيارات

قروض منازل

تمويل المشاريع الصغيرة

بطاقات ائتمان

شهادات و ودائع