مصاريف بنكية لازم تسأل عنها وانت بتقدم على أي خدمة!

الخدمات البنكية في الفترة الأخيرة بقت سهلة ومتاحة أكتر لكل الناس، وده بسبب خطة الدولة ناحية الشمول المالي واللي هيوصلنا بعد كده للمجتمع اللانقدي، بس كل الخدمات البنكية دي ليها مصاريف مقابل أي خدمة بتقدمها حتى لو في بعض الأوقات المصاريف دي ممكن البنك يقرر يعفي المواطنين عنها لفترة معينة وبعدين يرجع يطبقها تاني، زي رسوم السحب النقدي من الـ ATM كده اللي تم مد الإعفاء من الرسوم دي مؤخراً لحد يوم 31 ديسمبر 2021، بس عشان تظبط مصاريفك لازم تكون على علم بالمصاريف دي حتى لو بسيطة عشان تبقى عامل حسابك.

تقدر تعرف أكتر عن مد خدمات الـ ATM من هنا،  مد إلغاء الرسوم على السحب من الـ ATM بعد 30 يونيو 2021 
 

لو اتأخرت في سداد قسط من الأقساط اللي عليك البنك بيحملك غرامة

1- مصاريف القروض

• مصاريف إجراءات الحصول على قرض
• المصاريف الإدارية 

ده مبلغ بيتخصم من مبلغ القرض قبل ما تاخده أو ممكن تدفعه لو عايز تستلم مبلغ القرض بالكامل، وبيكون بين 2 و3% من مبلغ القرض.

• عمولة السداد المعجل

 عمولة البنك بياخدها لو قررت تسدد المتبقي عليك من مبلغ القرض على دفعة واحدة، وبتكون بين 4 و7% على المبلغ المتبقي أو مبلغ القرض كله حسب قواعد البنك.

• غرامة التأخير في السداد

لو اتأخرت في سداد قسط من الأقساط اللي عليك البنك بيحملك غرامة، وبتختلف حسب البنك أما نسبة أو مبلغ ثابت بيبدأ من 50 جنيه.
 

2- مصاريف المعاملات البنكية

• مصاريف سحب مبلغ نقدي أقل من 30 ألف جنيه من الفرع

لو حبيت تسحب مبلغ صغير، فـ الافضل انك تسحبه عن طريق ماكينات الـ ATM ببلاش بدل من الفرع اللي هيخليك تدفع مصاريف على عملية السحب دي.

• مصاريف فتح حساب التوفير 
• مصاريف فتح الحساب الجاري
• رسوم إصدار دفتر شيكات
• رسوم استخراج كشف حساب بنكي
   

3- الكريدت كارد

• مصاريف إصدار وتجديد البطاقة

بالنسبة لمصاريف الاصدار فـ بتدفعها مرة واحدة بس وانت بتقدم على بطاقة الائتمان/ الـ Credit card، ومصاريف التجديد بتبقى كل سنة، وبتختلف المصاريف دي حسب كل نوع بطاقة و بتزيد حسب الحد الحد الائتماني لكل واحدة.

• رسوم تجاوز الحد الائتماني
• رسوم التأخر في السداد