هو برامج تجميع النقط ليها لازمة؟ | فايدتي

هو برامج تجميع النقط ليها لازمة؟

تاريخ النشر: في نصايح ببلاش

هو برامج تجميع النقط ليها لازمة؟

جمع نقط اكتر، تكسب أكتر

في محلات كتير بقوا بيطبقوا نظام تجميع النقط على أساس إنك كل ما تشتري أكتر، تجمع نقط أكتر، في الآخر يا أما بتاخد النقط دي على شكل تخفيض أو سلع أو كريدت تقدر تستخدمه في المحل، ولكن هل الموضوع ده مفيد بالنسبة لك؟

 

اختار المحلات اللي بتروحها بصفة دورية

 

لما تيجي تختار أنهي محل هتنضم فيه لنظام النقط، حاول تختار محلات بتروحها كتيرن لإنك لو اخترت محلات نادراً ما بتشتري منها، عمرك ما هتستفيد من تجميع النقط إلا بعد فترة طويل جداً، أحسن مثال على كدة هو السوبرماركت، عشان ده أكتر مكان الواحد بيشتري منه بصفة دورية.

 

التزم بإنك تشتري من المكان ده بس

 

حاول إنك ما تشتريش من محلات تانية غير اللي أنت منضم فيها لبرنامج الولاء بتاعهم، لإنك كدة بتضعف فرصك من الاستفادة من تجميع النقط.

 

خلي عيلتك كلها على نفس البروفايل

 

ما تسجلش كل أفراد عيلتك في النظام، ولكن أفضلك إنك تسجل مرة واحدة، وتخلي كل أفراد عيلتك يستخدموا نفس البروفايل عشان تجمع نقط على قد ما تقدر.

 

 

حاول إنك ما تشتريش من محلات تانية غير اللي أنت منضم فيها لبرنامج الولاء بتاعهم، لإنك كدة بتضعف فرصك من الاستفادة من تجميع النقط.

 

ابعد عن الأنظمة اللي النقط فيها لها صلاحية معينة

 

في شوية نت الأنظمة بيحطوا مدة صلاحية للنقط، بمعنى إنك لو ما استخدمتهمش في فترة معينة، بيتلغوا من رصيدك، وده مالوش لازمة لأنك كدة مش هتستفيد حاجة، وهو بيجبرك على إنك تشتري منه حتى لو أنت مش محتاج حاجة.