أشهر 4 وسائل دفع إلكتروني وبدائل للـ PayPal الشهير

في أخر 20 سنة بدأ ظهور البنوك الإلكترونية ومواقع الدفع الأونلاين، واللي دورهم تسهيل عمليات التحويل والدفع الإلكتروني بين البلاد المختلفة كبديل سريع وأمن للتحويلات البنكية العادية. ومع ظهور وانتشار الشوبينج أونلاين والفريلانسر بقي في أقبال على المواقع دي، وأشهرهم الـ PayPal.

إيه هو الـ PayPal؟

هو موقع تجاري بيسمح للمستخدم يحول فلوسه عن طريق الإنترنت والبريد الإلكتروني لعناوين مختلفة وحسابات بنكية في بلاد كتيرة. وهو موقع أمريكي بدأ في 2002، وهو تابع لشركة eBay المشهورة.

عيوب الـ PayPal في مصر أنك متقدرش تسحب فلوسك من عليه إلا عن طريق ربطه بحساب علي بنك Payoneer أو ربطه ببطاقة إئتمان / كريدت كارد للإنترنت من واحد من البنوك المصرية، والبطاقات دي بتوقف التعامل مع الباي بال كل فترة وده بيخليك مش مطمن من إمكانية سحب فلوسك بسهولة.

4 وسائل دفع إلكتروني بديلة للباي بال في مصر:
 

1- موقع Payoneer

ده موقع أمريكي بيتيح الفرصة لأي شخص خارج الولايات المتحدة أنه يعمل حساب عليه، وتقدر كمان تربطه بحساب ال PayPal، أو بأي حساب في بنك مصري.

2-موقع  Skrill

واحد من أشهر مواقع الدفع الإلكتروني في العالم، واللي بتقدر تستخدمه في مصر بربطه بـ Master Card  او فيزا البريد المصري.

عيوب الـ PayPal في مصر أنك متقدرش تسحب فلوسك من عليه إلا عن طريق ربطه بحساب علي بنك Payoneer أو ربطه ببطاقة إئتمان / كريدت كارد للإنترنت من واحد من البنوك المصرية

3-خدمة  Google Pay

 زي معظم خدمات جوجل، محفظة جوجل مجانية تماما، كل اللي بتحتاجه أنك تنزل الأبلكيشن وتعمل حساب عليه  و تربطها بنفس رقم تليفونك اللي مسجله في البنك، وتتأكد من أن البنك بتاعك بيدعم خدمة UPI.

4- موقع Neteller
 

ده واحد من المواقع اللي تقدر تربطه بفيزا البريد المصري، وميزة Neteller أنه بيوقف التعامل على أي حساب بيحس بوجود أي حركات أو تعاملات مشبوهة عليه، وبيرجعه بعد ما يستقبل مكالمة تليفونية من صاحب الحساب نفسه بتوضح المعاملات المشكوك فيها.