اعرف اسعار اشتراك المترو للطلاب 2022:. أقل سعر 33 جنية

مع دخول السنة الدراسية الجديدة على الأبواب استمرت الشركة المصرية لإدارة وتشغيل و صيانة مترو الأنفاق في استخراج اشتراك المترو للطلاب 2022 لليوم التاني على التوالي. 

ميعاد فتح مكاتب الاشتراكات أبوابها لاستقبال الطلاب 

فتحت مكاتب الاشتراكات أبوابها النهاردة الصبح للطلاب اللي عايزين يعملوا اشتراكات في المحطات بخطوط المترو التلاتة . و ده طبعا بيتزامن مع بداية العام الدراسي الجديد 2023. اللي من المقرر بداية يوم السبت اللي هيوافق 1 أكتوبر . و ده كله طبعا بيتم وسط إجراءات مشددة للوقاية من الكورونا . 

اسعار اشتراك المترو للطلاب 2022

كشف المتحدث الرسمي لشركة مترو الأنفاق "أحمد عبد الهادي" أن اسعار اشتراكات المترو للطلبة محصلش فيها أي زيادة و إنها لسة رمزية زي ما هي .. و ده بينطبق على كل المراحل التعليمية سواء في المدارس أو الجامعات . 

وأضاف عبد الهادي إنه هيكون في تخفيضات كبيرة على اسعار اشتراك المترو للطلاب 2022 بتوصل لحد 98% على سعر الاشتراك .. 

تجهيزات المترو لاستقبال السنة الدراسية الجديدة 2023 

 انتهت شركة المترو من كل الاستعدادت النهائية لبداية العام الدراسي الجديد لسنة 2023 . و كانت الاستعدادت دي هي 

1- تجهيز قطارات المترو و صيانتها 

2- تجهيز منافذ بيع متنقلة جوه محطات المترو لتخفيف الزحام 

3- توفير فكة في شبابيك التذاكر 

4- تجهيز 8 قطارات اضافية هيتم تشغيلهم في وقت الذروة صباحا و مساءً

5- تعقيم و تطهير المحطات و القطارات للوقاية من كورونا
 

و كمان هيتم تجهيز حوالي 20 وحدة اسعافية متنقلة في المحطات لعلاج اي حالات مرضية بشكل مفاجيء. و تقديم اللازم لأي راكب يُشتبه إصابته بكورونا.

اسعار اشتراك المترو للطلاب 2022 بالتفاصيل 

1- بتبدأ اسعار اشتراك المترو للطلاب لسنة 2022 من 33 جنية في المراحل الثلاثة لو ركب الطالب 25 محطة.

2- بتكون قيمة الاشتراك 41 جنية في المراحل الثلاثة لو ركب الطالب 40 محطة.