اعرف تكلفة تربية حيوانك الأليف المفضل في السنة: قطتك

تاريخ النشر: في نصايح ببلاش

 اعرف تكلفة تربية حيوانك الأليف المفضل في السنة:  قطتك

ازاي تحسب تكاليف تربية قطتك في السنة؟

ما بين كل الحيوانات الأليفة هنلاقي ان فيه ناس كتير بتحب القطط وعايزة تربيها وفيه اللى عنده فعلا قطة وبيحاول دايما يحافظ عليها ويوفر لها كل اللى محتاجاه، وعشان فيه عشاق كتير للقطط، اتعمل يوم عالمي اسمه Hug Your Cat عشان نتكلم أكتر عنهم ونزود الثقافة عند الناس اللى عايزة تربي قطة.

وهنقولك كمان على كل التكاليف اللى ممكن تقابلك لما يبقى عندك قطة:

 

1- الأكل
 

اعرف نظام وتكلفة الأكل اللي هتجيبة للقطة بتاعتك، لو هتشتريه من المحل المخصص لبيع الحيوانات الأليفة أو السوبر ماركت، وكمان عدد الوجبات اللى بتحتاجها القطة واللي بتتحدد على حسب سنها يعني مثلا:

 

  • من سن شهرين لـ3 شهور بتحتاج من 3 لـ 4 وجبات، وكل وجبة وزنها 40 جرام 
  • من سن 3 شهور لـ 6 شهور، بتحتاج 3 وجبات، كل وجبة وزنها 75 جرام
  • من سن 6 شهور لـ سنة، برضو بتحتاج 3 وجبات، كل وجبة وزنها 75 جرام
  • من بعد السنة، بتحتاج وجبتين بس وكل وجبة 100 جرام

 

وكمان هنقولك أشهر اسعار الدراي فود اللى تقدر تشتريه لقطتك
 

  • ويسكاس اكل قطط جاف بحجم 1 كيلو جرام مكس بسعر 90 جنيه مصري
  • اكل قطط بطعم السالمون بوزن 100 جرام وسعره 40 جنيه مصري
  • فريسكس بالفراخ والخضراوات بوزن كيلو ونصف جرام وسعره 160 جنيه مصري
  • ميجلور جاتو اكل قطط بطعم لحوم البقر والخضروات بوزن 400 جرام وسعره 32 جنيه مصري
     

ولو عندك قطة صغيرة متضعيش فلوسك على الدراي فود لانها مش هتقدر تاكله، لكن بتبقي محتاجه للبروتينات اكتر زي اللبن والجبنة.

 

لازم أول ما تربي قطة توديها للدكتور عشان تطمن على صحتها وكمان يكتبلك على التطعيمات اللى المفروض قطتك تاخدها

 

2- الدكتور البيطري

 

دي من أهم المصاريف اللى هتدفعها، ولازم أول ما تربي قطة توديها للدكتور عشان تطمن على صحتها وكمان يكتبلك على التطعيمات اللى المفروض قطتك تاخدها. مصاريف الدكتور البيطري بتوصل في السنة لـ 500 جنية و متوسط سعر الكشف في المرة الواحدة بيختلف على حسب سن وحجم القطة، لو سنها صغير هيبدأ من 40 جنية ولو سنها كبير سعر الكشف بيوصل لـ 100 جنيه، والصحة النفسية لقطتك برضو مهمة ولازم تعيشها في جو حلو وتوفرلها ألعاب وتكون في وسط أسرة بتحبها وتحتويها.

 

3- لوازم القطة

 

لازم توفر لقطتك مكان معين عشان يكون الحمام بتاعها، وتشتري سلة قمامة وتخليها للقطة بتاعتك عشان ترمي الفضلات وبواقي الأكل بتاعها، وفيه مستلزمات تانيه القطة ممكن تحتاجها وهنقولك على أسعارها:

 

  • شيكارة رمل كريستال بسعر 70 جنية
  • شيكارة رمل كربون بسعر 50 جنيه
  • فرشاة للشعر بسعر 30 جنيه
  • قصافة أظافر بسعر 50 جنية