ليه الناس بتخاف من الكريدت كارد؟ | فايدتي

  ليه الناس بتخاف من الكريدت كارد؟

تاريخ النشر: في نصايح ببلاش

  ليه الناس بتخاف من الكريدت كارد؟

متخفش من الكريدت كارد لو عامل حساب النقط دي!

في ناس بتشوف إن الكريدت كارد هتساعدك تحل أزمة عندك وفي ناس بتبقى مقلقة انها تدخلهم في أزمة مالية تانية! بس أكيد لو عرفت ازاي تستخدم البطاقة صح، هتريح نفسك وتعيش مرتاح.

فـ لو قلقان من بطاقة الائتمان بسبب كلام الناس واللى فى منهم أكيد مش عارفين يستخدموها صح! 
احنا هنساعدك ونقول لك على اللي بيخوفك وازاي تبعد عنه..

 

1-  خايف تصرف كتير ؟!

 

  فى احصائية بتقول أن الشخص اللى معاه الكريدت كارد بيصرف ضعف اللى بيدفع كاش وده علشان البطاقة بتديك حرية الصرف!

وديه حاجة تقدر تتحكم فيها لما تراقب مصاريفك، وتبقى عارف بتدفع فلوسك فى ايه بالظبط من خلال متابعة الفاتورة الشهرية اللي بتوصلك بمعاملاتك، وتقدر كمان تفعل الرسايل على موبايلك بعد كل استخدام للبطاقة.

 

2-  الفايدة!

الفايدة بتنزل لما متدفعش القسط اللى عليك كل شهر فى الميعاد المحدد، اللي هو فترة السماح/ Grace period، غير كده بتدفع بس اللي صرفته من غير اي فايدة.

 

3-  لو عايز تحافظ على تاريخك المالي أو الـ I-Score !

 

لو خايف انك متقدرش تدفع الأقساط اللي على بطاقة الائتمان، متقلقش لإن هيبقى قدامك حوالي 48 لـ 58 يوم تسدد فيهم، ولو عديتهم فأنت لسه عندك فرصة تدفع اللي عليك بس هيزيد عليهم فايدة.

 

 تقدر تتابع كل اللي صرفته في  الفاتورة الشهرية اللي بتوصلك بمعاملاتك

 

4- خايف ان بطاقة الائتمان تتسرق؟

 

لو بتخاف علي البطاقة من السرقة، فـ أغلب البنوك دلوقتي بقت بتشتغل بنظام الـ OTP أو One-Time Password

، وده رقم سري بيطلب منك قبل الموافقة على كل معاملاتك، والموضوع ده بيديلك الفرصة تستخدم الكارت أونلاين بطريقة أمنة لأن الرقم السري بيتبعتلك على الموبايل اللي متسجل في البنك، وبكده صعب تتسرق، وهتقدر تبلغ البنك عشان يوقفوا الكارت مع أي محاولة للسحب من البطاقة هتوصلك بيها رسالة. 

 

قدم دلوقتي علي الكريدت كارد اللي محتاجها مع فايدتي وانت في مكانك ببلاش بعد ما اطمنت أن التعامل معاها سهل. 

 

5- بيتعامل مع كل العملات!

 

الكريدت كارد بتتعامل مع كل العملات الأجنبية في المعاملات الاونلاين، ومش بتحتاج تكون متفق مع البنك من البداية على استخدام عملة محددة، زي ما شهادات الاستثمار مثلاَ عندها أنواع بالدولار واليورو مختلفين عن الشهادات العادية بالجنيه المصري.

 

ادخل على محول عملات فايدتي، لو عايز تعرف اخر أسعار العملات الأجنبية بالمقارنة بـ الجنيه في البنوك المصرية.