10 أسرار للكريدت كارد البنك مش هيقول لك عليها

تاريخ النشر: في نصايح ببلاش

10 أسرار للكريدت كارد البنك مش هيقول لك عليها

ازاي تستمتع بكل مزايا الكريدت كارد؟

بطاقة الائتمان بقي ليها استخدمات كتير في حياتنا اليومية، وده بيخلي الإقبال يزيد عليها، لكن قبل ماتفكر تقدم عليها فى أي بنك محتاج تعرف أن أستخدامها مش سهل وبيحتاج منك التركيز فى كل مرة هتقرر تستخدمه.

عشان كده جمعنا لك حيل متخرش المياه خلاصة مجهود عميل عبقري في استخدام الكريدت كارد.

 

1- أقل صافي مرتب للتقديم على الكريدت كارد هو 1000 جنيه بس.

 

2- بعكس المعروف، مفيش فايدة بتنزل على الكارت فى حالة سداد المبلغ اللي عليك فى فترة السماح، يعني لو بتسدد فى ميعادك مش هتدفع غير اللي سحبته.

 

3- كل القروض بتنزل عليها الفايدة سنويا، معدا بطاقة الائتمان فايدتها بتبقي شهريا.

 

4- فترة السماح بتختلف من بنك لبنك، وبتكون ما بين 45 ل58 يوم.

 

5- في  4 بنوك فى مصر بتوصل فترة السماح فيها ل 58 يوم: 

    -1-بنك SAIB

    -2-بنك الاستثمار العربي

    -3-ميد بنك

    -4-البنك الأهلي المتحد

 

كمان فى 6 بنوك الفترة فيها 57 يوم:

    -1-البنك الأهلي

    -2-بنك مصر

    -3- بنك QNB الأهلي

    -4-بنك قناة السويس

    -5-البنك العربي

    -6-بنك الإمارات دبي الوطني. 

 

6- فترة السماح مش بتبدأ من يوم ما استخدمت الكارت لكن من بداية الشهر فى البنك نفسه، وده بيتغير من بنك للتاني عشان كده لازم تسأل علي تاريخ بداية الشهر في البنك اللي هتاخد منه الكارت.

 

كل جنيه بتصرفه مع الكارت هيجيلك عليه  Bonus Points هتقدر تبدلها بكاش باك.

 

7- لو اشتريت حاجة بالكارت بعد تقفيل البنك لحساباته وقبل ما يبدأ الشهر هتاخد فترة السماح بتاعتك كاملة.

 

8- المبلغ اللي بتاخده على الكريدت كارد بيتحدد على حسب مرتبك والـ I-score بتاعك، وممكن المبلغ اللي تخده يوصل لـ4 أضعاف مرتبك.

 

9- تقدر تدخل فى أنظمة عالية زي الـ Premier، وInfinite، و Titanium، عشان تستمتع بمميزاتها، وهتضطر تدفع مصاريف إدارية أغلى من العادي.

 

10- كل جنيه بتصرفه مع الكارت هيجيلك عليه  Bonus Points أو تجميع النقط، ودي هتقدر تبدلها بكاش باك، أو فواتير شراء فى المحلات اللي متعاقدة مع البنك اللي بتتعامل معاه، وممكن تبدلها بأميال سفر، يعني تشتري بيها تذاكر سفر بالطيران أو تعلي من الدرجة بتاعتك، فمتنساش تراجع النقط بتاعتك كل فترة عشان تبدلها.

   

 

قدم دلوقتي على بطاقة الائتمان اللي محتاجها مع فايدتي وانت فى مكانك فى دقايق بعد ما تقارن بين البنوك المختلفة.