أمن عربيتك!
أمن عربيتك!
أمن عربيتك!

عارف أنك تقدر تأمن عربيتك بأقل من 2% من قيمة السيارة؟

faydety-logo-text

15 حيلة تسويقية وعروض وهمية بتخلينا نشتري أكتر!

تاريخ النشر: 13 يناير 2022

نصايح ببلاش

15 حيلة تسويقية وعروض وهمية بتخلينا نشتري أكتر!

علشان أنت العميل المميز بتاعنا: جملة كتير بتسمعها

كتير أوي واحنا بنتسوق بنقع في فخ العروض الوهمية وشراء حاجات احنا مش محتاجينها أصلًا، هنقولك على شوية حاجات لما تيجي تتسوق سواء في سوبر ماركت أو لو أنت بتاكل برا أو بتشتري لبس زي عروض التوفير وفترة التخفيضات وغيرها من الشعارات التسويقية الوهمية.

 

1-   مبروك كسبت جايزة: بس لازم تدفع تمن مصاريف الشحن، وفي الغالب بيكون المنتج جودته ضعيفة أو منتهي الصلاحية أو مش مفيد ليك ولا ضروري.

2-   العروض  في السوبر ماركت: لازم تتأكد قبل ما تشتري لأن غالبًا بيكون المنتج قرب على انتهاء الصلاحية أو مش هيفيدك.

3-   الملابس وقت التخفيضات: في الغالب المحلات بتعمل سيل على حاجات بسيطة خالص لكن في الحقيقة الأسعار على باقي الحاجات بتكون هي هي.

4-   ركز في تفاصيل العرض: أوقات بيكون في عرض على عدد معين من سلعة لكن ما بيكونش موضح الموضوع دا فبتكتشف دا لما بتروح البيت وتبص في الفاتورة.

5-   أماكن المنتجات المتغيرة في السوبر ماركت: خدعة تسويقية علشان تتحرك أكتر في المكان ويلفت انتباهك حاجات كتير تشتريها.

اعرف مين افضل لك قبل ماتشتري من هنا، قارن وقرر مين أوفر تشتري من السوبر ماركت ولا الأبلكيشن!


 

6-   اشتري واحدة والتانية مجانًا: فخ تسويقي كبير أوي وفي الغالب بيكون المنتج جودته قليلة أو إن السعر أغلى من الطبيعي فاللي هتدفعه تمن الاتنين فعليًا.

7-   تخفيضات تصل لـ 50%: خلي بالك لأن أوقات بيكون الحاجات اللي عليها العروض دي فيها مشاكل صناعة.

8-   علشان أنت العميل المميز بتاعنا: جملة كتير بتسمعها وعلشان كده عاملينلك خصم 30% النهاردة بس.

9-   تغيير السعر من 10 لـ 9.99: الأرقام اللي بتنتهي بيها السعر لما بتكون أرقام فردية، المبيعات بتحصل أكتر مع ان السعر واحد.

10-  صنف غالي في المنيو: بالنسبة للأكل في مطاعم بيحطولك في المنيو صنف غالي جدًا الهدف منه مش إنك تشتريه أصلًا الهدف إنك بسببه تحس إن باقي المنيو رخيص.

 

احسب دلوقتي أي فاتورة بالبقشيش بتاعها وقسمها على اصحابك مع حاسبة تقسيم الفواتير في المطاعم على فايدتي!

 

11- اللعب ع العواطف: زي ما بتعمل شركات كتير في التسويق لمنتجاتها زي استخدام حد من المشاهير المحبوبين.

12- محتوى الإعلان المرح: أوقات كتير بتلاقي إن المحتوى مرح فبتقرر إنك تشتري المنتج حتى لو مش هيفيدك أو حتى لو سعره مبالغ فيه.

13- المزيكا الهادية للأعصاب في المكان: تخلي حالتك النفسية مرتاحة وتقضي أطول وقت ممكن في المحل وتشتري أكتر.

14- عبارات موترة: زي الفرصة الأخيرة أو كمية محدودة أو دي اخر قطعة في المخزون.

15- بص ع السعر في أكتر من موقع: لو بتشتري أونلاين بص على السعر في أكتر من مكان وسيبك من الجمل التسويقية اللي مكتوبة وخلاص.

اختيار المحررين

faydety logo text
linkedin
instagram
youtube
twitter
facebook

منتجات بنكية

قروض شخصية

قروض سيارات

تمويل المشاريع الصغيرة

بطاقات ائتمان

شهادات و ودائع

منتجات تأمين