أمن عربيتك!
أمن عربيتك!

أمن عربيتك!

عارف أنك تقدر تأمن عربيتك بأقل من 2% من قيمة السيارة؟


 

3 حاجات هتساعدك تختار بطاقة الائتمان المناسبة ليكَ!

تاريخ النشر: في نصايح ببلاش

3 حاجات هتساعدك تختار بطاقة الائتمان المناسبة ليكَ!

ازاي تختار بطاقة الائتمان المناسبة ليك فيزا ولا ماستر كارد؟

اختيارك لبطاقة الائتمان بيعتمد على احتياجاتك وظروفك المادية، بس تفتكر ايه اللى هيخليك يبقى معاك  فيزا مشتريات! احنا هنقولك شوية مميزات لـ بطاقة الائتمان، وازاى تختار البطاقة اللى بتناسبك.

 

1-  هتختارها ايه، فيزا ولا ماستر كارد؟
 

لو عايز تقدم على فيزا مشتريات، فـ لازم تعرف ايه المميزات اللى هتقدمها البطاقة ويفضل تختار بطاقة الائتمان اللى بتناسب احتياجاتك، ومن المهم تحدد هي بطاقة الائتمان هتكون تبع فيزا/VISA ولا ماستر كارد / MASTERCARD!

 

مميزات فيزا / VISA :

 

  • تقدر تتواصل مع الجهة المصدرة لبطاقة الائتمان عشان تعرف تفاصيل أكتر عن بطاقتك، وايه المميزات اللى فيزا / VISA بتقدمها وازاي تقدر تستفيد منها.
     
  • في حالة ان بطاقة الائتمان ضاعت تقدر تتواصل مع الشركة فيزا وتقدم طلب على بطاقة بديلة، وكمان ممكن الشركة توفر لك مبلغ لو محتاج، وده لحد ما بطاقة الائتمان الجديدة تطلع.
  • لو حصل أي سرقة أو احتيال للبطاقة، يفضل تبلغ في ساعتها، عشان الشركة تتأكد انك ملكش علاقة بالحركة المالية اللى حصلت.
     

مميزات ماستر كارد / MASTERCARD

 

  • في حالة ضياع أو سرقة بطاقة الائتمان، في خط ساخن تقدر تتواصل من خلاله في أي مكان في العالم، وتقدر تبلغ الشركة، وهتتعوض ببطاقة جديدة في أقرب وقت.
  • مميزات خاصة للسفر!


لو غاوي سفر وكل فترة بتروح مكان جديد، فـ بطاقة الائتمان تبع شركة ماستر كارد أفضل اختيار ليك، عشان بتقدملك أكتر من ميزة تقدر تستفيد منها زي:

 

  • أقل سعر للفندق، بمعنى انك لو حجزت إقامة في فندق تبع الكريدت كارد/ Credit Card أونلاين، ولقيت لما وصلت ان سعر الإقامة أقل من اللى دفعتها، الشركة هترجعلك فرق الفلوس.
  • في ميزة كبيرة الفندق بيقدمهالك لو دفعت بـ بطاقة ائتمان ماستر كارد، وهى الوصول في ميعاد بدري والمغادرة في ميعاد متأخر، وده موجود في أكتر من 2,000 مكان في العالم.
  • بالنسبة لو دافع تذكرة الطيران بالكريدت كارد / Credit Card، البنك بيوفرلك مرافق يبقى معاك في المطار بيساعدك، والميزة دي موجودة في أكتر من 700 وجهة في العالم.
     

لو استخدمت بطاقة ائتمان واحدة أو أكتر في نفس الشهر، لازم تعرف الحد الأدنى اللى المفروض تدفعه كل شهر

 

2- حدد اهتماماتك!
 

لو بتحب الشوبنج، وعايز يبقى معاك بطاقة ائتمان عشان تشتري براحتك، حاول تختار الكارت اللى بيعمل عروض وخصومات على المحلات اللى بتشتري منها على طول عشان تستفيد من نقط المكافآت /Bonus Points اللى بتقدمها بطاقة الائتمان زي:

  • الكاش باك / Cash Back ،ودي بتبقى فلوس يتنزل على بطاقة الائتمان، وتقدر تسحبها أو تستخدمها في مشتريات تانيه.
  • قسائم شراء / Vouchers، ودي عروض وخصومات تقدر تستفيد منها في محلات مختلفة.
  • أميال سفر/ Travel Miles، وبتستخدمها في حجز تذاكر الطيران.

 

3- ماتنساش تدفع الحد الأدنى!

 

لو استخدمت بطاقة ائتمان واحدة أو أكتر في نفس الشهر، لازم تعرف الحد الأدنى اللى المفروض تدفعه كل شهر، واللي بتعرفه من البنك اول ما تقدم على الكريدت كارد / Credit Card، واللي عادة بتكون في حدود 5% من الدين اللى عليك، وممكن لو عندك حساب في نفس البنك بينزل عليه المرتب، تتفق مع البنك يسحب منه وتسدد أقساط الكريدت كارد / Credit Card بشكل تلقائي، عشان كده محتاج تدور علي البنك اللي فترة السماح/ Grace period بتاعته أطول.
 

قارن دلوقتي بطاقة الائتمان على موقع فايدتي من مكانك قبل ما تقدم.