5‌ ‌مميزات‌ ‌بتاخدها‌ ‌مع‌ ‌استخدامك‌ ‌للكريدت‌ ‌كارد

تاريخ النشر: في نصايح ببلاش

5‌ ‌مميزات‌ ‌بتاخدها‌ ‌مع‌ ‌استخدامك‌ ‌للكريدت‌ ‌كارد

فيزا المشتريات هتسهل عليك حياتك

استخدام بطاقة الائتمان مش بيقتصر على أنها بتنقذك فى المفاجآت أو أنك بتتجنب التعامل بالكاش بس، لكن الكارت ده ليه مميزات تانية هتقدر تستفيد بيها مع استخدامك ليه، وممكن تبقي هي الأسباب الرئيسية للتقديم عليه من البداية لو لسه بتفكر.


 

 اهم 5 مميزات هي للكريدت كارد/ Credit card هي:

 

1- نقط المكافأت/ Bonus Points

 

 كل جنيه بتصرفه مع الكارت هيجيلك عليه  Bonus Points أو تجميع النقط اللي هتديلك مكافأت، اللي هي: 

  • كاش باك/ Cash Back
  • فواتير شراء/ Vouchers فى المحلات اللي متعاقدة مع البنك اللي بتتعامل معاه
  • أميال سفر/ Miles اللي تقدر تشتري بيها تذاكر سفر بالطيران أو تعلي من الدرجة بتاعتك

المهم متنساش تراجع النقط بتاعتك كل فترة عشان تبدلها، وتتأكد من نوع المكافأة اللي البنك بيقدمها من قبل ماتقدم على الكارت.

 

2- قسط الغالي!

 

معظم البنوك بتعمل اتفاقات مع المحلات المشهورة بمنتجاتها الغالية، خصوصا محلات الأجهزة الكهربائية والإلكترونيات، علشان يدولك الفرصة تقسط لما تحاسب بالكريدت كارد/ Credit Card، وميزة التقسيط ده ان معظم البنوك بتتيحه من غير فوايد.

 

3- خصومات بس علشانك!

 

مواقع الشوبنج أونلاين وبعض المحلات بيتفقوا مع البنوك على تقديم خصومات مخصوصا لحاملي بطاقات ائتمان البنوك دي، اللي معروفة برضه بأسم فيزا المشتريات. وتقدر تتابع الخصومات دي على صفحات السوشيال ميديا الخاصة بالبنوك.

 

استخدام بطاقة الائتمان مش بيقتصر على أنها بتنقذك فى المفاجآت أو أنك بتتجنب التعامل بالكاش بس

 

4- حسَن الـ I-Score!

 

لو عندك مشاكل قديمة مع البنوك فى سداد الاقساط، أو عايز تقدم قريب على قرض، سدادك للـ Credit Card خلال فترة السماح هيحسن من الـ I-Score بتاعك، وده هيحسن من موقفك قدام البنوك. 

وعلى فكرة المبلغ اللي بتاخده على الكريدت كارد/Credit Card بيتحدد من البداية على حسب مرتبك والـ I-score بتاعك، وممكن المبلغ اللي تاخده يوصل لـ 3 أضعاف مرتبك.

 

اعرف أكتر عن تاريخك الائتماني من هنا، يعني إيه I-Score؟

 

5- علشان راحتك

 

فى شوية مميزات خاصة بالسفر ممكن تأخدها مع الكريدت كارد/Credit Card الخاصة بكبار العملاء، زي:

  • دخول صالة كبار الزوار في المطارات
  • التأمين على السفر
  • خدمات الـ Concierges اللي بتشمل،
  • حجوزات الفنادق، وتذاكر السفر واستخراج التأشيرات
  • خدمات العربية اللي بتوصلك من وإلى المطار والمغادرة، وإنهاء المستندات الخاصة بالجوازات
  • خدمات التسوق، وشراء الهدايا
  • حجوزات المطاعم
  • تأجير العربيات

المهم تسأل البنك بتاعك على الخدمات اللي بيتيحها قبل ماتسافر. 

 

قدم دلوقتي على بطاقة الائتمان اللي محتاجها مع فايدتي وانت فى مكانك فى دقايق بعد ما تقارن بين البنوك المختلفة.